88. fundur frístunda- og menningarnefndar haldinn í bæjarstjórnarsal, 6. nóvember 2019 og hófst hann kl. 17:00.
Fundinn sátu:
Garðar Alfreðsson, aðalmaður, Þórunn Erlingsdóttir, aðalmaður, Alexander Veigar Þórarinsson, aðalmaður, Kristín Gísladóttir, varamaður, Sigríður Etna Marinósdóttir, varamaður og Eggert Sólberg Jónsson, sviðsstjóri frístunda- og menningarsviðs.
Fundargerð ritaði: Eggert Sólberg Jónsson, sviðsstjóri frístunda- og menningarsviðs.
Dagskrá:
1. Aðalstjórn UMFG: Samstarfssamningur 2019-2021 - 1710022
Sviðsstjóri kynnti stöðu málsins.
2. Íþróttafólk Grindavíkur 2019 - 1910074
Íþróttafólk Grindavíkur verður útnefnt á Gamlársdag kl. 11:00. Kjörfundur mun fara fram fimmtudaginn 5. desember kl. 18:00.
3. Fjárhagsáætlun 2020 - Frístunda- og menningarsvið - 1908128
Fjárhagsáætlun frístunda- og menningarsviðs fyrir árið 2020 lögð fram til kynningar.
4. Samstarfssamningur við Slysavarnardeildina Þórkötlu 2020-2021 - 1906014
Frestað til næsta fundar.
5. Stefnumótun fyrir Kvikuna - 1905029
Sviðsstjóri kynnti drög að stefnumótun fyrir Kvikuna og drög að forgangsröðun aðgerða ásamt niðurstöðum úr viðtölum, rýnifundum, íbúafundi og fundi með atvinnulífinu.
6. Menningarviðurkenningar Grindavíkurbæjar - 1910001
Drög að verklagsreglum vegna afhendingar menningarviðurkenninga Grindavíkurbæjar lagðar fram. Nefndin felur sviðsstjóra að kynna reglurnar á vef Grindavíkurbæjar og gefa íbúum kost á að koma sínum sjónarmiðum á framfæri.
7. Sjávarréttahátíð í Grindavík 2020 - 1910079
Sviðsstjóri kynnti hugmyndir að sjávarréttahátíð sem til stendur að fram fari í Grindavík haustið 2020.
8. Tónlistarhátíð á Suðurnesjum - 1910080
Sviðsstjóri kynnti hugmyndir að tónlistarhátíð á Suðurnesjum. Nefndin tekur vel í hugmyndina og felur sviðsstjóra að vinna áfram að framgangi hugmyndarinnar.
9. Fyrirspurn um kaup á bátasafni - 1910089
Lögð fram fyrirspurn um áhuga á kaupum á bátasafni í einkaeigu. Nefndin leggur til við bæjarráð að afþakka tilboðið þar sem safnið hefur ekki beina tengingu við Grindavík.