91. fundur Fræðslunefndar haldinn í Grunnskólanum við Ásabraut, miðvikudaginn 2. október 2019 og hófst hann kl. 16:30.
Fundinn sátu:
Guðmundur Grétar Karlsson, formaður, Arna Björg Rúnarsdóttir, aðalmaður, Siggeir Fannar Ævarsson, aðalmaður, Sigurpáll Jóhannsson, varamaður, Sævar Þór Birgisson, varamaður, Smári Jökull Jónsson, áheyrnarfulltrúi, Fríða Egilsdóttir, leikskólastjóri, Guðbjörg Málfríður Sveinsdóttir, grunnskólastjóri og Hulda Jóhannsdóttir, leikskólastjóri, Guðlaug Erlendsdóttir aðstoðarskólastjóri grunnskóla, Sæborg Reynisdóttir áheyrnarfulltrúi, Gígja Eyjólfsdóttir áheyrnarfulltrúi, Jenný Rut Guðjónsdóttir áheyrnarfulltrúi.
Fundargerð ritaði: Ingibjörg María Guðmundsdóttir, Yfirsálfræðingur.
Dagskrá:
1. Starfsáætlun 2019-2020 - 1910011
Lögð fram starfsáætlun grunnskóla fyrir skólaárið 2019-2020. Fram kemur að viðtalstímar skólahjúkrunar eru sambærilegir og sl. skólaár þrátt fyrir aukið starfshlutfall skólahjúkrunar við skólann. Viðvera viðkomandi er óskilgreind. Fræðslunefnd telur mikilvægt að viðvera skólahjúkrunar sé kynnt opinberlega líkt og í nágranna sveitarfélögum sem starfa undir HSS, þannig að starfsmenn, foreldrar og nemendur geti nýtt sér þjónustuna. Fræðslunefnd staðfestir starfsáætlunina.
2. Öryggi og húsnæði - 1910012
Lagðar fram skýrslur frá Heilbrigðiseftirliti Suðurnesja frá 2018. Lagt fram til kynningar.
3. Skólahúsnæði: Hönnun og framkvæmdir - 1802069
Atli Geir sviðsstjóri Skipulags- og umhverfissviðs gerði grein fyrir vinnu bygginganefndar Grunnskóla og kynnti teikningar af viðbyggingu.
Fræðslunefnd telur mikilvægt að skoða hvort fjölga þurfi salernum í nýbyggingunni þannig að þau verði fleiri á því rými sem sett eru þrjú og inngangi mögulega lokað til að nýta plássið betur.
4. Leikskólahúsnæði; Aukning/stækkun - 1807010
Atli Geir sviðsstjóri Skipulags- og umhverfissviðs gerði grein fyrir vinnu bygginganefndar Grunnskóla og kynnti teikningar af nýjum leikskóla.
Fræðslunefnd telur mikilvægt að öll stoðrými, fataherbergi barna, rými starfsmanna og matsalur verði þannig að þau anni sex deilda leikskóla ef þörf verður á.
5. Starfsáætlun 2019-2020 - 1910007
Lögð fram starfsáætlun Lautar skólaárið 2019-2020 til staðfestingar.
Fræðslunefnd staðfestir starfsáætlun leikskólans Lautar.
Fleira ekki gert. Fundi slitið kl. 18:30.