Sett inn þann 27.01.03
Eldur kom upp í fiskimjölsverksmiðju Fiskimjöl og Lýsi við Ægisgötu í Grindavík um áttaleytið í morgun. Eldurinn, sem kviknaði út frá miklum hita við gufuketil, læsti sig í þak verksmiðjunar en það er klætt með pappa og því mikill eldmatur. ,,Þetta leit ekki vel út í fyrstu en með snarræði tókst fljótt að ráða niðurlogum eldsins," sagði Ásmundur Jónsson slökkvistjóri í Grindavík. Reiklúgur á þakinu virkuðu sem skildi sem auðveldaði slökkvistarf. Starfsmenn fiskimjölsverksmiðjunnar börðust við eldinn þegar slökkviliðið kom á staðinn og var einn starfsmaður fluttur á sjúkrahús til skoðunnar vegna gruns um reykeitrun. Reyndist starfsmaðurinn vera við góða heilsu og fékk að fara heim að skoðun lokinni.

fengið af snn.is

• Síðast uppfært: 24. nóvember 2003