Margir Grindvíkingar muna eftir bæjarblaðinu Bæjarbót sem kom út árin 1982 - 1995 og var dreift í öll hús bæjarins. Í september 1989 hófst fastur liður í blaðinu sem bar yfirskriftina Unglingur mánaðarins. Tveimur árum síðar var nafninu breytt í Unglingur í naflaskoðun. Margir ungir Grindvíkingar (á þeim tíma) voru spurðir skemmtilegra spurninga og viðtalið síðan birt í blaðinu.
Í tilefni þess að 30 ár eru síðan þessi liður blaðsins kom fyrst út ætlar Grindavík.is að hafa uppi á nokkrum þessara fyrrum unglinga og spyrja sömu spurninga í dag og birta síðan hér á síðunni til gamans. Bæði nýju svörin og að sjálfsögðu þau eldri líka.
Fylgist með!