Sendinefnd ESB á Íslandi stóð því fyrir því á miðvikudaginn að hreinsa fjöruna fyrir neðan Hraun, austan við Grindavík, ásamt Bláa hernum og nokkrum sendiráðum ESB-landanna á Íslandi: Danmörku, Frakklandi, Svíþjóð og Þýskalandi.
Blái herinn óskaði eftir því að fá að koma ásamt sendinefnd Evrópusambandsins á Íslandi og halda áfram að hreinsa strandir við Grindavík. Blái herinn hefur komið bæði í vor og nú í sumar og hreinsað í Hópsnesinu og síðan í Þórkötlustaðarfjörunni.
Plastmengun í hafinu er orðið verulegt áhyggjuefni og hafa menn spáð því að verði ekkert að gert muni verða meira plast í sjónum en af fiski árið 2050. Þetta er auðvitað sturluð staðreynt og því mikið fagnaðarefni þegar fólk tekur sig til og hreinsar plastruslið úr náttúrunni.
Til stóð að hreinsa fjöruna en þar sem mjög miklu drasli hafði skolað lengra upp á land komust þau nánast ekkert niður á ströndina sjálfa. Myndirnar tala sínu máli.
Langmest af ruslinu úr sjávarútvegi en furðulega mikið úr skotveiðimennsku segir í frétt á Facebook síðu sendinefndarinnar. Á rúmlega þremur tímum týndu þau hátt í tonn af rusli.
Sendinefndir segir það ekki að ástæðulausu að ESB leggi höfuðáherslu á umhverfismál í öllum sínum stefnumálum.
Það er ljóst að ruslið sem finna má i fjörunni við Hraun hefur líklega að mestu skolað á land.
Myndirnar eru af Facebook síðu sendinefndarinnar er fleiri myndir má finna undir tenglinum með fréttinni.