84. fundur frístunda- og menningarnefndar haldinn í bæjarstjórnarsal, 12. júní 2019 og hófst hann kl. 16:00.
Fundinn sátu: Jóna Rut Jónsdóttir, formaður, Garðar Alfreðsson, aðalmaður, Bjarni Þórarinn Hallfreðsson, aðalmaður, Alexander Veigar Þórarinsson, aðalmaður, Bjarni Már Svavarsson, áheyrnarfulltrúi, Pétur Rúðrik Guðmundsson, varamaður og Eggert Sólberg Jónsson, sviðsstjóri frístunda- og menningarsviðs.
Fundargerð ritaði: Eggert Sólberg Jónsson, Sviðsstjóri frístunda- og menningarsviðs.
Dagskrá:
1. Samstarfssamningur 2019-2021 - 1902032
Á fundinn mætti Valgerður Söring Valmundsdóttir frá Hestamannafélaginu Brimfaxa. Drög að samstarfssamningi við félagið lögð fram. Frístunda- og menningarnefnd samþykkir samninginn fyrir sitt leyti og vísar honum til bæjarráðs.
2. Reglur um styrki vegna íþróttaafreka - 1904067
Lagðar fram ábendingar og athugasemdir við drög að reglum um styrki vegna íþróttaafreka. Frístunda- og menningarnefnd felur sviðsstjóra frístunda- og menningarsviðs að vinna málið áfram.
3. Afrekssjóður - 1905080
Frístunda- og menningarnefnd staðfestir eftirfarandi úthlutanir úr Íþrótta- og afrekssjóði:
Bragi Guðmundsson: 100.000 kr.
Elísabet Ýr Ægisdóttir: 100.000 kr.
Júlía Ruth Thasaphong: 100.000 kr.
Natalía Jenný Lucic Jónsdóttir: 100.000 kr.
Ólöf Rún Óladóttir: 100.000 kr.
Rebekka Rut Hjálmarsdóttir: 50.000 kr.
Viktoría Rós Horne: 100.000 kr.
Lögð fram umsókn í sjóðinn frá Braga Guðmundssyni. Frístunda- og menningarnefnd hafnar umsókninni þar sem ekki er um landsliðsverkefni að ræða.
4. Skipulag sundlaugarsvæðis - 1906024
Hugmyndir forstöðumanns íþróttamannvirkja að uppbyggingu sundlaugarsvæðis lögð fram. Frístunda- og menningarnefnd beinir því til bæjarráðs að flýta vinnu við framtíðarskipulag sundlaugarsvæðisins og hefja vinnu við þarfagreiningu hið fyrsta.
5. Samstarfssamningar við Knattspyrnudeild UMFG 2020-2021 - 1906013
Knattspyrnudeild UMFG óskar eftir endurnýjun á samstarfssamningum við Grindavíkurbæ. Frístunda- og menningarnefnd felur sviðsstjóra frístunda- og menningarsviðs að vinna málið áfram.
6. Samstarfssamningur við Körfuknattleiksdeild UMFG - 1906028
Drög að samstarfssamningi við Körfuknattleiksdeild UMFG lögð fram. Frístunda- og menningarnefnd samþykkir samninginn fyrir sitt leyti og vísar honum til bæjarráðs.
7. Samstarfssamningur við Knattspyrnufélagið GG 2020-2021 - 1906018
Knattspyrnufélagið GG óskar eftir endurnýjun á samstarfssamningi við Grindavíkurbæ. Frístunda- og menningarnefnd felur sviðsstjóra frístunda- og menningarsviðs að leggja drög að samningi fyrir næsta fund nefndarinnar.
8. Samstarfssamningur við Unglindadeildina Hafbjörgu 2020-2021 - 1906015
Unglingadeildin Hafbjörg óskar eftir endurnýjun á samstarfssamningi við Grindavíkurbæ. Frístunda- og menningarnefnd felur sviðsstjóra frístunda- og menningarsviðs að leggja drög að samningi fyrir næsta fund nefndarinnar.
9. Samstarfssamningur við Slysavarnardeildina Þórkötlu 2020-2021 - 1906014
Slysavarnardeildin Þórkatla óskar eftir endurnýjun á samstarfssamningi við Grindavíkurbæ. Frístunda- og menningarnefnd felur sviðsstjóra frístunda- og menningarsviðs að vinna málið áfram.
10. Umsókn um styrk - 1905005
Lagt fram erindi frá Vélíþróttafélagi Reykjaness þar sem farið er fram á styrk til uppbyggingar félagssvæðis við Sólbrekkuskóg. Frístunda- og menningarnefnd felur sviðsstjóra frístunda- og menningarsviðs að leggja drög að samningi fyrir næsta fund nefndarinnar.
11. Hreystigarður - 1905075
Málinu frestað til næsta fundar.
12. Sjóarinn síkáti 2019 - 1810029
Rætt um framkvæmd Sjóarans síkáta sem að fram fór 31. maí til 2. júní sl. og niðurstöður íbúakönnunar lagðar fram. Frístunda- og menningarnefnd felur sviðsstjóra frístunda- og menningarsviðs að leggja fram drög að framtíðarsýn fyrir Sjóarann síkáta sem byggir á niðurstöðum íbúakönnunar á næsta fundi nefndarinnar.
13. Stefnumótun í íþróttamálum 2019-2030 - 1905035
Stefna mennta- og menningarmálaráðuneytisins í íþróttamálum 2019-2030 lögð fram.
Fleira ekki gert. Fundi slitið kl. 18:00.