Til hamingju međ daginn sjómenn!

  • Fréttir
  • 3. júní 2019
Til hamingju međ daginn sjómenn!

Sjómannadagurinn var að venju haldinn hátíðlegur í dag og fjórir sjómenn heiðraðir fyrir störf sín í gegnum tíðina. Í ár voru það bræðurnir Gunnar og Eiríkur Tómassynir, Ásgeir Magnússon og Guðgeir Helgason sem voru heiðraðir. Páll Valur Björnsson sá um að lesa ágrip um heiðurssjómennina áður en þeir fengu heiðursmerki sjómannafélagsins í barminn og blómvönd. 

Heiðrunin fór fram í sjómannamessunni sem haldin var í tilefni dagsins. Mikið fjölmenni var í kirkjunni en Elínborg Gísladóttir þjónaði fyrir altari. Kór Grindavíkurkirkju leiddi sönginn undir stjórn Erlu Rutar Káradóttur organista og Páll Jóhannesson söng einsöng. 

Sigurður Jónsson, skipsstjóri á Hrafni Sveinbjarnasyni GK 255 flutti ræðu og kom m.a. inn á störf sín hjá fyrirtækinu Þorbirni hf. Sagði hann litla starfsmannaveltu bera vott um það hversu gott væri að vinna fyrir útgerðina og að menn væru þar metnir að verðleikum. Stuðningur fyrirtækisins væri mikill gagnvart starfsmönnum þess og talaði hann þar sérstaklega um sjómennina. Hann kom inn á kjaraviðræður og þá staðreynd að stundum væru sjómenn samningslausir í langan tíma. Slíkt væri eðlilega ekki í boði. Sigurður ræddi samfélagið í Grindavík, hversu mikið væri að þakka fyrir og stundum þyrftum við aðeins að hægja á okkur og staldra aðeins við. 

Ritningarlestra lásu feðginin Einar Hannes Harðarson og Arna María Einarsdóttir. Kransaberi var Andri Fannar Einarsson sem femdist í vor og er sonur Einars Hannesar og Ásdísar Hafliðadóttur. Hefð er fyrir því að nýfermd börn beri kransinn. 

Lúðrasveit verkalýðsins tók þátt í athöfninni og leiddi svo fjölmenna skrúðgöngu að minnisvarðanum Von. Meðal gesta í Grindavíkurkirkju var forssetafrúin Eliza Reid en hún flutti ræðu Sjómannadags á hátíðarsvæði eftir messu. 

Mynd: Björn Birgisson 

Á myndinni efst eru sjómennirnir sem voru heiðraðir ásamt konum sínum. Frá vinstri eru: Einar Hannes Harðarson formaður SVG, Gunnar Tómasson og Rut Óskarsdóttir, Svanfríður Sigurðardóttir og Ásgeir Magnússon, Eiríkur Tómasson og Katrín Sigurðardóttir, Guðgeir Helgason og Þórey Gunnþórsdóttir

 


 


Deildu ţessari frétt

AĐRAR FRÉTTIR

Fréttir / 17. október 2019

Hvalreki viđ Grindavík

Fréttir / 17. október 2019

Matseđill nćstu viku í Víđihlíđ

Fréttir / 21. október 2019

Lokađ á bókasafni 23. október frá 12:00

Fréttir / 11. október 2019

Matseđill nćstu viku í Víđihlíđ

Fréttir / 10. október 2019

GG leitar ađ ţjálfara

Fréttir / 10. október 2019

Ţyrla Landhelgisgćslunnar kemur á Laut

Fréttir / 8. október 2019

Magnađ brim viđ Brimketil: Myndband

Fréttir / 8. október 2019

Bjartmar á Bryggjunni á föstudaginn

Fréttir / 7. október 2019

Truflun í gatnalýsingu nćstu sólarhringa

Grunnskólafréttir / 7. október 2019

Umferđaröryggi