Í dag, föstudaginn 31. maí og morgun laugardag verður unnið að því að fræsa og malbika aðrein og frárein við gatnamót Reykjanesbrautar og Grindavíkurvegar. Að- og fráreinum verður lokað og viðeigandi merkingar verða settar upp. Áætlað er að framkvæmdirnar standi yfir milli kl. 9:00 og 16:00.
Þeir sem koma til Grindavíkur frá Reykjavík þurfa því að fara til Njarðvíkur og snúa við þar til að komast inn á Grindavíkurveg.
Á morgun þurfa þeir sem koma úr Reykjanesbæ að fara út í Voga, snúa við þar og koma til baka.
Tímasetning framkvæmdanna er afar óheppileg í ljósi Sjóarans síkáta en vonandi komast allir ferða sinna þrátt fyrir framkvæmdir.