Ævintýraganga fjölskyldunnar á Þorbjarnarfell við Grindavík fer fram á vegum Reykjanesbæjar í samstarfi við gönguhóp Suðurnesja og Grindavíkurbæ laugardaginn 11. maí kl. 10:30.
Gangan er í tengslum við málþingið „Út að leika,“ og Barnahátíð í Reykjanesbæ. Gangan er ætluð allri fjölskyldunni og munu félagar úr Leikfélagi Keflavíkur sjá um að halda uppi góðri stemningu í göngunni. Þá munu félagar úr Björgunarsveitinni Suðurnes fylgja göngufólki alla leið.
Grindvíski tónlistarmaðurinn Pálmar Örn Guðmundsson slæst með í för og tekur nokkur skemmtileg lög á fjallinu.
Fjölskyldur er hvattar til að fjölmenna og taka með sér nesti og góða skapið. Gangan leggur af stað frá bílastæðum við Þorbjörn.