87. fundur Fræðslunefndar haldinn í bæjarstjórnarsal, fimmtudaginn 2. maí 2019 og hófst hann kl. 16:30.
Fundinn sátu: Guðmundur Grétar Karlsson, formaður, Arna Björg Rúnarsdóttir, aðalmaður, Guðbjörg Gerður Gylfadóttir, aðalmaður, Sigurpáll Jóhannsson, varamaður, Smári Jökull Jónsson, áheyrnarfulltrúi, Herdís Gunnlaugsdóttir Holm, áheyrnarfulltrúi, Fríða Egilsdóttir, leikskólastjóri, Inga Þórðardóttir, skólastjóri, Guðbjörg Málfríður Sveinsdóttir, grunnskólastjóri og
Petra Rós Ólafsdóttir, áheyrnarfulltrúi foreldra leikskólabarna, Kasia Dreksa, áheyrnarfulltrúi foreldra grunnskólabarna, Hulda Jóhannsdóttir, leikskólastjóri og Siggeir Ævarsson aðalmaður boðuðu forföll.
Fundargerð ritaði: Ingibjörg María Guðmundsdóttir, Yfirsálfræðingur.
Dagskrá:
1. Skóladagatal Króks 2019-2020 - 1904069
Skóladagatal Heilsuleikskólans Króks fyrir skólaárið 2019-2020 lagt fram.
Fræðslunefnd frestar málinu til næsta fundar.
2. Skóladagatal Laut 2019-2020 - 1904070
Skóladagatal leikskólans Lautar fyrir skólaárið 2019-2020 lagt fram. Fræðslunefnd samþykkir skóladagatalið.
3. Endurskoðuð skólastefna Grindavíkurbæjar 2017 - 1709097
Lögð fram ein umsögn sem barst um skólastefnuna ásamt stefnudrögum. Fræðslunefnd samþykkir að taka vinnufund um nánari útfærslu stefnunnar. Málið tekið aftur fyrir í ágúst.
4. Skólahjúkrun í grunnskólanum - 1904068
Lögð fram samantekt um skólahjúkrun á Suðurnesjum. Grunnskóli Grindavíkur er fjölmennasti grunnskóli á Suðurnesjum, með yfir 500 nemendur. Samkvæmt árangursviðmiðum landlæknis ætti að miða eitt stöðugildi heilbrigðisstarfsmanns við 500 til 700 nemendur.
Fræðslunefnd felur fræðslustjóra að vera í samstarfi við aðra fræðslustjóra á Suðurnesjum um viðræður við SSS og HSS um að samræma þjónustu skólahjúkrunar við grunnskóla á svæðinu. Einnig þarf að sækjast eftir auknu stöðugildi skólahjúkrunarfræðings við Grunnskóla Grindavíkur.
5. Niðurstöður samræmdra prófa vor 2019 - 1904071
Guðbjörg M. Sveinsdóttir skólastjóri grunnskóla kynnti niðurstöður samræmdra prófa í 9. bekk vorið 2019.
Fleira ekki gert. Fundi slitið kl. 18:10.