Ný ţjónustuađstađa rís á vestanverđu Reykjanesi

  • Fréttir
  • 16. apríl 2019
Ný ţjónustuađstađa rís á vestanverđu Reykjanesi

Samningur um áframhaldandi uppbyggingu jarðvangs á Reykjanesi þar sem ný þjónustumiðstöð verður reist við Reykjanesvita var undirritaður um hádegisbilið í dag í Bláa Lóninu. Það voru þeir Grímur Sæmundssen, forstjóri Bláa Lónsins og Ásgeir Eiríksson, stjórnarformaður Reykjanes jarðvangs og bæjarstjóri í Vogum sem stóðu að undirrituninni.

Grímur Sæmundsen, forstjóri Bláa Lónsins sagði nokkur orði í upphafi

Jarðvangurinn er samstarfsverkefni sem byggist á því að nýta sérstöðu svæðisins og einstaka jarðsögu þess, svo sem Atlantshafshrygginn og flekaskilin, til verðmætasköpunar.

Bláa lónið hf. og Reykjanes Global Unesco Geopark standa að baki verkefninu sem nær yfir allt land Grindarvíkurbæjar, Reykjanesbæjar, Sandgerðisbæjar, Sveitarfélagsins Garðs og Sveitarfélagsins Voga. Auk þess hefur Bláa lónið hf. stofnað til félags með eina núverandi ábúanda við Reykjanesvita, Grétu Súsönnu Fjeldsted.

Grímur Sæmundsen, forstjóri Bláa lónsins, segir að lengi hafi verið skortur á þjónustuaðstöðu á vestanverðu Reykjanesi en verði nú bætt úr. Bláa lónið ætli auk þess að aðstoða við merkingar svæðisins. Þá muni starfsmaður á þeirra vegum hafa umsjón með svæðinu í samstarfi við Jarðvanginn.

Ásgeir Eiríksson, bæjarstjóri í Vogum og stjórnarformaður Reykjanes Geopark ásamt Grími Sæmundssen forstjóra Bláa Lónsins undirrita samninginn. 

Markmið samstarfsins er meðal annars að styrkja Reykjanesið sem áfangastað, stuðla að sjálfbærri nýtingu, vinna að bestu aðferðum til uppbyggingar í sátt við náttúru, bæta þekkingu, viðhorf og verndarstöðu jarðminja á svæðunum, hvetja til nýjunga í náttúrutengdri sköpun og draga fram og viðhalda menningararfleifð svæðanna.

Lögð verður áhersla á að koma sérstöðunni á framfæri með það að markmiði að upplýsa gesti um jarðfræðiarfleifðina ásamt sögu og menningu svæðisins. Um leið verður reynt að vekja samfélagið til umhugsunar um þau tækifæri sem felast í nærumhverfinu til að styrkja stoðir fjölbreyttrar atvinnustarfsemi, svo sem ferðaþjónustu, matvælaframleiðslu og fleira.

Stjórn Reykjanes Geopark ásamt fulltrúum Bláa Lónsins að lokinni undirritun.


Deildu ţessari frétt

AĐRAR FRÉTTIR

Fréttir / 21. ágúst 2019

Ţjóđarleiđtogar heimsóttu Grindavík

Fréttir / 21. ágúst 2019

Helgi Einar: Mesta afrekiđ ađ lifa af

Fréttir / 15. ágúst 2019

Vatnsleikfimi haustiđ 2019

Fréttir / 9. ágúst 2019

Laus stađa grunnskólakennara

Fréttir / 1. ágúst 2019

Opnunartími sundlaugar

Fréttir / 26. júlí 2019

Best ađ borđa sykurpúđa í útilegu

Fréttir / 26. júlí 2019

Ţjóđhátíđ međ vinahópnum framundan