Niđurstöđur Skólapúlsins liggja fyrir

  • Fréttir
  • 11. apríl 2019
Niđurstöđur Skólapúlsins liggja fyrir

Foreldrakönnun skólapúlsins var lögð fyrir í grunnskólanum  í febrúar sl. í samræmi við áætlun fræðslunefndar um ytra mat á Grunnskóla Grindavíkur. Núna svöruðu 125 foreldrar könnuninni eða 65,4%. Af þeim voru 46% á yngsta stigi, 25% á miðstigi og 29% á elsta stigi. Svörin eru 46% vegna stráka og 54% vegna stúlkna. 


Svör eru flokkuð í  sex efnisflokka; Nám og kennsla, Velferð nemenda, Aðstaða og þjónusta, Foreldrasamstarf, Heimastuðningur og Opin svör. Hér verða dregin fram helstu atriði í hverjum flokki. 
Í námi og kennslu meta foreldrar stöðu Grunnskóla Grindavíkur svipaða og foreldrar á landsvísu varðandi ánægju með nám og kennslu skólans, þyngd námsefnis og aga innan skólans. Grindvískir foreldrar meta stjórnun skólans undir landsmeðaltali. Það eru foreldrar barna á elsta stigi sem eru marktækt óánægðari en jákvæð þróun er frá árinu 2015. Ánægja með stjórnun skólans var 68% en er núna 85% sem er glæsileg jákvæð þróun.


Velferð nemenda er metin svipuð og hjá landsmeðaltali. Upp úr stendur ánægja foreldra með samskipti við starfsfólk og hversu vel skólinn mætir þörfum nemenda. Líðan nemenda í skólanum almennt og í kennslustundum er svipuð og á landinu í heild. Líðan í frímínútum er verri en á landinu og virðist það sérstaklega eiga við um stúlkur og nemendur á miðstigi. Umfang eineltis fer minnkandi að mati foreldra og úrvinnsla mála er hraðari en verið hefur. 

Aðstaða og þjónusta virðist góð í Grunnskóla Grindavíkur. Foreldrar eru ánægðir með aðstöðuna, tómstundaþjónustu og máltíðir í skólanum. Sérstaklega eru foreldrar ánægðir með tómstundir barna á yngsta stigi. 
Foreldrasamstarf er jákvætt metið af foreldrum. Þeir upplifa frumkvæði kennara marktækt meira en almennt á landsvísu varðandi bæði stráka og stelpur og munar þá helst um vikuleg samskipti að frumkvæði kennara. Að auki upplifa foreldrar að þeir hafi möguleika á að koma tillögum til kennara um skólastarfið, þeir taki þátt í ákvörðunum varðandi barn sitt og gerð námsáætlana.
Heimastuðningur virðist vera meiri en á landsvísu við stráka og nemendur á miðstigi. Munar þar mestu um mat foreldra á því að þeir aðstoði barn sitt daglega við heimanám í 16-30 mínútur,  sem er þá líklega lestur sbr. stefnu skólans um heimanám.

Trú foreldra á eigin getu til að aðstoða og magn heimavinnu er svipuð og á landinu í heild. Væntingar foreldra um háskólanám barna sinna eru minni en á landsvísu. Munar þar að 14% færri foreldrar í Grindavík gera ráð fyrir háskólanámi meðal barna sinna. Dætur eru taldar líklegri en strákar til háksólanáms að mati foreldra. Hins vegar eru 8,4% fleiri foreldrar í Grindavík sem vænta þess að barn þeirra ljúki iðnnámi. 

Í opnum svörum er komið inn á gott aðgengi að starfsfólki skóla og fleiri atriði sem tengjast því að vera í litlu samfélagi með skólann í nánd. Einnig eru foreldrar ánægðir með góða kennara og líðan barna í skólanum. Þeir þættir sem foreldrar telja að betur megi fara varða símanotkun, agamál,  stuðning í skólastofu og nemendafjölda í kennsluhópum. 

Hér má sjá heildarniðurstöður Skólapúlsins
 


Deildu ţessari frétt

AĐRAR FRÉTTIR

Fréttir / 20. júní 2019

Matseđill nćstu viku í Víđihlíđ

Fréttir / 19. júní 2019

Útbođ - Breytingar á bćjarskrifstofum

Fréttir / 13. júní 2019

Gufublástur vestan Grindavíkur - skýring

Fréttir / 13. júní 2019

Dagskrá 17. júní

Fréttir / 12. júní 2019

Vinningshafar í hurđaleik

Fréttir / 11. júní 2019

Fjallkonur í Grindavík

Fréttir / 11. júní 2019

Veđur til ađ fara í ratleik

Fréttir / 11. júní 2019

Dregiđ í hurđaleiknum á morgun!

Fréttir / 7. júní 2019

Međalhrađaeftirlit ekki byrjađ

Fréttir / 7. júní 2019

Hreinsum Krossvík á Reykjanesi á morgun

Fréttir / 7. júní 2019

Grindavík lagđi FH á heimavelli 2-1

Nýjustu fréttir 11

Selskógur: Líf í lundi

  • Fréttir
  • 20. júní 2019

Árleg Jónsmessuganga á laugardaginn

  • Fréttir
  • 19. júní 2019

Reiđnámskeiđ Arctic Horses

  • Fréttir
  • 13. júní 2019

Gul vesti um allan bć

  • Fréttir
  • 13. júní 2019

Rúm tvö tonn af rusli hreinsuđ

  • Fréttir
  • 11. júní 2019