Landsöfnun Lions fer fram dagana 5. - 7. apríl en í ár rennur ágóði af rauðu fjöðrinni til styrkar kaupa á augnbotnamyndavélum. Verndari söfnunarinnar er Hr. Guðni Th. Jóhannesson, forseti Íslands. Lionsmenn í Grindavík standa vaktina í Nettó milli 13:00 - 16:00 í dag og á morgun og eru íbúar að sjálfsögðu hvattir til að taka vel í söfnunina.
Augnbotnamyndavélar eru notaðar til myndgreiningar á augnbotnum, sjónhimnu og sjóntaugum. Það nýtist vel þeim sem eru sykursjúkir, blindir eða sjónskertir. Augnbotnamyndavélagar þykja í dag nauðsynlegt tæki við eftirlit á t.d. hrörnun í augnbotnum, sem er algengasti augnsjúkdómur meðal eldra fólks.