Vegna væntanlegra framkvæmda á bæjarskrifstofum, sem hefjast á næstu dögum, þarf að endurnýja húsbúnað. Í ljósi umhverfisstefnu Grindavíkurbæjar fæst talsvert magn af húsbúnaði og skrautmunum gefins. Grindavíkurbær hefur áður farið þessa leið, annars vegar þegar sundlaugarhúsi var breytt í líkamsrækt og þegar félagsheimilið Festi var gert fokhelt.
Þetta er tilvalið fyrir þá sem geta hugsað sér að leyfa gömlum hlutum að ganga í endurnýjun lífdaga. Hægt verður að nágast hlutina frá kl. 10:00 á bæjarskrifstofum að Víkurbraut 62.
Lögmálið fyrstur kemur fyrstur fær gildir að sjálfsögðu og ekki verður hægt að taka frá hluti.
Á meðfylgjandi myndum má sjá brot af þeim hlutum sem gefins eru.