Íbúafundur vegna Aðalskipulags 2018 - 2030

• Fréttir
• 13. febrúar 2019

Bæjarstjórn Grindavíkur hefur samþykkt að kynna drög að endurskoðuðu Aðalskipulagi Grindavíkur 2018-2030 í samræmi við 2. mgr. 30. gr. skipulagslaga nr. 123/2010. Einnig er forkynnt umhverfisskýrsla aðalskipulagstillögunnar.

Opinn íbúafundur verður haldinn í Gjánni þann 20. febrúar kl:18:30 þar sem farið verður yfir stefnubreytingar og breytingar á framsetningu aðalskipulags skv. skipulagsreglugerð nr. 90/2013. Íbúar eru hvattir til að mæta og taka þátt í umræðunni. Tillagan er ennþá í vinnslu og gefst íbúum nú tækifæri til að koma sínum ábendingum á framfæri. Hægt er að skoða gögnin hér fyrir neðan og senda inn ábendingar til 27. febrúar 2019.

Vakin er athygli á því að á þessu stigi verður öllum ábendingum komið á framfæri við skipulagsnefnd og bæjarstjórn, en þær teljast ekki formlegar athugasemdir. 
Þegar tillagan verður fullmótuð í kjölfar forkynningar verður henni vísað til auglýsingar í 6 vikur. Þá gefst öllum færi á að senda inn formlegar athugasemdir sem verður svarað skriflega. Hægt er að senda ábendingar til Sigurðar Ólafssonar sviðsstjóra skipulags- og umhverfissviðs, sigurdur(hjá)grindavik.is Búast má við að tillagan verði auglýst á vormánuðum 2019. 

Sigurður Ólafsson
Sviðsstjóri skipulags- og umhverfissviðs

Greinargerð

Forsendu- og umhverfisskýrsla

Uppdráttur A0

Uppdráttur A1

• Síðast uppfært: 13. febrúar 2019