112 dagurinn er haldinn um allt land í dag en í ár er áherslan lögð á öryggismál heimilisins. Að venju fara bæði slökkvilið Grindavíkur og lögreglan í heimsókn á leikskóla bæjarsins og kynna fyrir krökkunum þann búnað sem notaður er við vinnu þessara viðbragðsaðila þegar hætta steðjar að. Meðfylgjandi myndir voru teknar í morgun, í mjög hressandi veðri, við báða leikskólana. Reyndar voru börnin á Króki farin inn þegar slökkviliðið mætti til þeirra en þau fylgdust með úr gluggum leikskólans. Fleiri myndir eru á Facebook síðu bæjarins af deginum.