1506. fundur bæjarráðs Grindavíkur haldinn í bæjarstjórnarsal, þriðjudaginn 5. febrúar 2019 og hófst hann kl. 17:00.
Fundinn sátu: Hjálmar Hallgrímsson, formaður, Sigurður Óli Þórleifsson, varaformaður, Páll Valur Björnsson, áheyrnarfulltrúi, Hallfríður G Hólmgrímsdóttir, áheyrnarfulltrúi og Sævar Þór Birgisson, varamaður fyrir Helgu Dís Jakobsdóttur.
Einnig sátu fundinn: Jón Þórisson, sviðsstjóri fjármála- og stjórnsýslusviðs og Fannar Jónasson, bæjarstjóri.
Fundargerð ritaði: Jón Þórisson, sviðsstjóri fjármála- og stjórnsýslusviðs.
Dagskrá:
1. Gallup - Þjónustukönnun 2018 - 1901100
Málinu er frestað til næsta fundar.
2. VMST: Húsnæðisbætur - 1611031
Sviðsstjóri félagsþjónustu- og fræðslusviðs sat fundinn undir þessum dagskrárlið.
Lögð er til breyting á reglum Grindavíkurbæjar um sérstakan húsnæðisstuðning. Inn komi ný grein, þ.e. 4. gr. a. svohljóðandi:
Ný grein kemur inn í reglurnar og verður 4. gr. a
Við sérstakar aðstæður, s.s. þegar framfærslubyrði heimilis er verulega þung eða hlutfall leigufjárhæðar af tekjum heimilis er hátt, er heimilt að veita aukinn húsnæðisstuðning umfram þau viðmið sem getið er um hér að framan. Þegar þessari heimild er beitt skal að jafnaði við það miðað að húsnæðiskostnaður að frádregnum húsnæðisbótum sé ekki lægri en 25% af heildartekjum.
Bæjarráð leggur til við bæjarstjórn að samþykkja breytinguna.
3. Markaðsgreining - 1901107
Upplýsinga- og markaðsfulltrúi bæjarins sat fundinn undir þessum dagskrárlið.
Tilboð í kostnaðar- og verkáætlun varðandi markaðsgreiningu og markaðslega stefnumótun fyrir Grindavíkurbæ.
Bæjarráð vísar málinu til gerðar fjárhagsáætlunar fyrir árið 2020.
4. Undirbúningur að opnun bókhalds Grindavíkurbæjar - 1902005
Helga Dís Jakobsdóttir bæjarfulltrúi leggur málið fyrir fundinn.
Bæjarráð felur sviðstjóra fjármála- og stjórnsýslusviðs að kanna frekari útfærslu á bókhaldsupplýsingum á heimasíðuna.
5. Leiguverð á íbúðum í Víðihlíð - 1902004
Hallfríður Hólmgrímsdóttir bæjarfulltrúi leggur málið fyrir fundinn.
Sviðsstjóri félagsþjónustu- og fræðslusviðs sat fundinn undir þessum dagskrárlið.
6. Beiðni um flutning milli fjárhagsára - 1901032
Bæjarráð leggur til við bæjarstjórn að samþykkja viðauka við fjárhagsáætlun 2019 að fjárhæð 475.000 kr. sem fjármagnaður verði með lækkun á handbæru fé.
Fleira ekki gert. Fundi slitið kl. 18:30.