Tvö hótel á Suðurnesjum eru meðal þeirra bestu hjá Tripadvisor, en ferðasíðan vinsæla Tripadvisor birti nýlega lista yfir bestu hótelin á Íslandi árið 2018. Á meðal þeirra tíu bestu eru tvö á Suðurnesjum. Annars vegar Silica Hotel við Bláa Lónið í Grindavík og hins vegar Hotel Berg í Reykjanesbæ. Aðeins eru fimm hótel utan höfðurborgarinnar á listanum en um er að ræða flest þekktustu og glæsilegustu hótel landsins. Visit Reykjanes vakti fyrst athygli á þessu.
Hér má sjá listann í heild sinni en þar má sjá að Silica Hotel við lækningalindina í Bláa Lóninu er í 6. sæti.
Vefsíðan Tripadvisor er stærsta ferðasíða heimsins og hefur þar af leiðandi gríðarlegt vægi í ferðageiranum og sérstaklega þegar kemur að gistingu. 455 milljón gestir heimsækja síðuna á mánuði og alls eru rúmlega 700 milljón umsagnir á síðunni sem var stofnuð árið 2000.
Myndir teknar af vef Tripadvisor