600 manns koma saman í kvöld á stærsta viðburð sem haldinn hefur verið með borðhaldi í Grindavík, Þorrablóti Grindvíkinga 2019. Þegar litið var upp í íþróttahús í dag var allt á fullu við undirbúning. Að mörgu þarf að hyggja við skipulagningu viðburðar á borð við þennan en umsjónin er í höndum Knattspurnu- og körfuknattleiksdeildar UMFG. Ef ekki væri fyrir dugnað þeirra sjálfboðaliða sem að þessu koma yrðu þorrablóin í Grindavík ekki með jafn glæsilegu sniði og raun ber vitni. Nefndin í ár er fjölmenn, skipuð bæði reyndum sem nýjum fulltrúum. Í meðfylgjandi myndbandi má sjá stutt viðtal við þessa frábæru fulltrúa sem tóku að sér að stýra Þorrablótinu í ár.
Á mánudaginn verða birtar myndir af glæsilegum borðskreytingum og flottum sal eins og hann lítur út í kvöld.
Myndavélin verður á sínum stað!
....og barinn líka
Borðbúnaður klár
Nefndin er öll í stíl að venju. Karlpeningurinn í glæsilegum glimmer jökkum og píurnar í sérsaumuðum, gylltum jökkum.