1505. fundur bæjarráðs Grindavíkur haldinn í bæjarstjórnarsal, þriðjudaginn 22. janúar 2019 og hófst hann kl. 17:00.
Fundinn sátu:Hjálmar Hallgrímsson, formaður, Sigurður Óli Þórleifsson, varaformaður, Helga Dís Jakobsdóttir, aðalmaður, Páll Valur Björnsson, áheyrnarfulltrúi og Hallfríður G Hólmgrímsdóttir, áheyrnarfulltrúi.
Einnig sátu fundinn: Jón Þórisson, sviðsstjóri fjármála- og stjórnsýslusviðs og Fannar Jónasson, bæjarstjóri.
Fundargerð ritaði: Jón Þórisson, sviðsstjóri fjármála- og stjórnsýslusviðs.
Dagskrá:
1. Starfaflokkun hjá Grindavíkurbæ - 1901052
Sviðsstjóri félagsþjónustu- og fræðslusviðs sat fundinn undir þessum dagskrárlið.
Lögð fram gögn um fjölda starfsmanna og kostnaðaráhrif. Sviðsstjóra falið að vinna málið áfram.
2. Stofnun öldungaráðs: Erindi frá Félagi eldri borgara í Grindavík - 1705058
Sviðsstjóri félagsþjónustu- og fræðslusviðs sat fundinn undir þessum dagskrárlið.
Lögð fram tillaga að breytingum á samþykkt Grindavíkurbæjar um stjórn og fundarsköp. Felld inn ákvæði um öldungaráð.
Bæjarráð vísar málinu til bæjarstjórnar.
3. Fyrirspurn um geymsluhúsnæði - 1901008
Sviðsstjóri frístunda- og menningarsviðs sat fundinn undir þessum dagskrárlið.
Minja- og sögufélag Grindavíkur óskar eftir varanlegu geymsluhúsnæði til að hýsa muni í eigu félagsins og Grindavíkurbæjar. Áætlað er að um 2.000 munir séu í geymslu á vegum félagsins og tæpur helmingur þeirra í eigu Grindavíkurbæjar. Frístunda- og menningarnefnd vísaði erindinu til bæjarráðs á 79. fundi sínum.
Bæjarráð felur sviðsstjóra að óska eftir frekari gögnum.
4. Gönguleið um sjávartengdar minjar - 1810058
Sviðsstjóri frístunda- og menningarsviðs sat fundinn undir þessum dagskrárlið.
Grindavíkurbæ var úthlutað styrk að upphæð kr. 3.000.000 úr Uppbyggingarsjóði Suðurnesja vegna verkefnisins Gönguleið um sjávartengdar minjar í Grindavík. Óskað er eftir viðauka við fjárhagsáætlun 2019 að upphæð kr. 3.000.000 vegna verkefnisins.
Bæjarráð leggur til við bæjarstjórn að samþykkja viðauka að fjárhæð 3.000.000 kr. á rekstrareininguna 05421 Menningarminjar sem fjármagnaður verði með 3.000.000 kr. tekjum á sömu rekstrareiningu.
5. Refa- og minkaveiðar í Grindavík - 1705121
Lagðar fram tillögur að reglum um refa- og minkaveiðar í Grindavík.
Bæjarráð vísar reglunum til samþykktar í bæjarstjórn.
Bæjarstjóra er falið að hafa samband við þá veiðimenn sem voru með leyfi bæjarins til veiðanna.
6. Tækifærisleyfi - Knattspyrnudeild UMFG - 1901042
Sótt er um leyfi til að halda þorrablót í íþróttahúsinu þann 26. janúar nk. Fyrir liggur samþykki Heilbrigðiseftirlits Suðurnesja og Slökkviliðs Grindavíkur.
Bæjarráð samþykkir veitingu leyfisins.
Fleira ekki gert. Fundi slitið kl. 18:20.