79. fundur frístunda- og menningarnefndar haldinn í bæjarstjórnarsal, 9. janúar 2019 og hófst hann kl. 17:00.
Fundinn sátu:
Jóna Rut Jónsdóttir, formaður, Garðar Alfreðsson, aðalmaður, Bjarni Þórarinn Hallfreðsson, aðalmaður, Sigurður Enoksson, aðalmaður, Bjarni Már Svavarsson, áheyrnarfulltrúi og Eggert Sólberg Jónsson, sviðsstjóri félagsþjónustu- og fræðslusviðs.
Fundargerð ritaði: Eggert Sólberg Jónsson, Sviðsstjóri frístunda- og menningarsviðs.
Dagskrá:
1. Kynning á starfsemi Þrumunnar - 1901011
Félagsmiðstöðin Þruman heimsótt. Nefndin fékk kynningu á starfseminni frá Melkorku Ýr Magnúsdóttur frístundaleiðbeinanda.
Bjarni Þórarinn Hallfreðsson yfirgaf fund að loknu 1. máli.
2. Viðburðir á frístunda- og menningarsviði um jól og áramót 2018-2019 - 1901006
Rætt um hvernig til tókst við tendrun jólatrés, jólaball, útnefningu íþróttafólks ársins og þrettándagleði. Nefndin felur sviðsstjóra að koma með tillögur að endurskoðun á tendrun jólatrés og þrettándagleði.
3. Viðburðadagatal 2019 - 1901007
Viðburðadagatal á frístunda- og menningarsviði fyrir árið 2019 lagt fram.
4. Golfklúbbur Grindavíkur: Endurnýjun samstarfssamnings - 1809073
Nefndin vísar áður samþykktum samningi til bæjarráðs og hafnar óskum um frekari hækkun á framlagi.
5. Félag eldri borgara í Grindavík - Samstarfssamningur 2019 - 1812012
Lögð fram drög að samningi við Félag eldri borgara í Grindavík. Nefndin samþykkir samninginn og vísar honum til bæjarráðs.
6. Útsýnispallur við Grindavíkurhöfn - 1810057
Fyrstu tillögur að hönnun útsýnispalls og sviðs fyrir neðan Kvikuna lagðar fram. Nefndinni líst vel á hugmyndina og leggur til að þær verði þróaðar áfram. Varanlegt svið og skjólsælt torg á þessum stað munu koma að góðum notum í tengslum við hina ýmsu viðburði í sveitarfélaginu og efla bæjarbraginn.
7. Fyrirspurn um geymsluhúsnæði - 1901008
Minja- og sögufélag Grindavíkur óskar eftir varanlegu geymsluhúsnæði til að hýsa muni í eigu félagsins og Grindavíkurbæjar. Nefndin vísar málinu til bæjarráðs til umfjöllunar.
8. Sirkusráðstefna í Grindavík - 1901009
Lagt fram erindi frá Sirkus Íslands og Hringleik - Sirkuslistafélagi þar sem kannaður er áhugi á samstarfi og stuðningi við sirkushátíð í Grindavík sumarið 2019. Nefndin er jákvæð gagnvart erindinu og felur sviðsstjóra að ræða við bréfritara.
Fleira ekki gert. Fundi slitið kl. 19:30.