Er þitt ferðaþjónustufyrirtæki á leið á Mannamót 2019?

• Fréttir
• 3. janúar 2019

Mannamót er árleg ferðasýning/kaupstefna sem haldinn er af Markaðsstofum landshlutanna í samvinnu við flugfélagið Erni og Isavia. Mannamót markaðsstofanna er kynningarvettvangur ferðaþjónustunnar á landsbyggðinni og tækifæri til að koma á fundum fagaðila í greininni.

Markmið og tilgangur viðburðarins er að skapa vettvang þar sem landsbyggðarfyrirtæki fá tækifæri til að kynna sína þjónustu og vöruframboð fyrir ferðaþjónustuaðilum sem staðsettir eru á höfuðborgarsvæðinu. Ísland hefur mikið upp á að bjóða og Mannamót hjálpa til við að mynda tengsl innan ferðaþjónustunnar. Gestum á Mannamótum gefst kostur á kynna sér það sem mismundi landshlutar eru að bjóða uppá með áherslu á vetrarferðamennsku.

Markaðsstofur landshlutanna, í samvinnu við flugfélagið Erni og Isavia, setja upp vinnufundinn Mannamót  fyrir samstarfsfyrirtæki sín 17. janúar 2019. Viðburðurinn verður haldinn í Kórnum í Kópavogi. 

Skráning

Einungis samstarfsfyrirtæki markaðsstofanna geta tekið þátt sem sýnendur í Mannamóti 2019. Þátttökugjald er 17.500 krónur, plús virðisaukaskattur. Skráningu lýkur 10. janúar 2019. 

Öllum er frjálst að mæta á viðburðinn og enginn aðgangseyrir er fyrir gesti. Við biðjum þó þá sem ætla að koma sem gestir að skrá sig svo hægt sé að áætla fjöldann. 
 

• Síðast uppfært: 3. janúar 2019