Nýr varaformaður og nýr gjaldkeri í SVG

• Fréttir
• 28. desember 2018

Sigurjón Veigar Þórðarson og Kári Ölversson koma nýir inn í stjórn Sjómanna- og vélstjórafélags Grindavíkur, en aðalfundur félagsins fór fram í kvöld. Allir sitjandi stjórnarmenn gáfu kost á sér aftur, nema Sigurður Sverrir Guðmundsson, gjaldkeri. Í hans stað bauð Kári Ölversson sig einn fram í það embætti og var því sjálfkjörinn. Tveir sóttust eftir að vera varaformenn, þeir Sigurjón Veigar Þórðarson, vélstjóri á Gnúp og Ingvi Örn Ingvason, sjómaður. Sigurjón hafði betur og kemur því nýr inn í stjórnina. Sigurjón Veigar sagði í samtali við vefsíðuna hlakka til að takast á við ný verkefni og sagðist mjög þakklátur fyrir það traust sem honum væri sýnt. 

Á meðfylgjandi mynd má sjá stjórn Sjómanna- og vélstjórafélags Grindavíkur til næstu tveggja ára. 

f.v. Sigurjón Veigar Þórðarson varaformaður, Einar Hannes Harðarson formaður, Kari Ölversson gjaldkeri, Kristinn Einarsson meðstjórnandi og Steingrímur Kjartansson ritari. 

• Síðast uppfært: 28. desember 2018