Vetrarsólstöðugangan verður farin í dag frá Kvikunni kl.17:00. Gangan er haldin í desember víða um land, rétt fyrir jólin, en þá eiga margir um sárt að binda eftir missi. Píeta samtökin standa fyrir göngunni en fram kemur á vefsíðu þeirra að hún sé innihaldsrík samverustund á dimmasta kvöldi ársins haldin í minningu þeirra sem látist hafa fyrir eigin hendi og hvatning til þeirra sem glíma við sjálfsvígshugsanir að gefast ekki upp heldur þiggja hjálp og velja lífið. Á Facebook síðu Kvikunnar, auðlinda- og menningarhúss Grindavíkur eru bæjarbúar og aðrir hvattir til að koma og eiga yndislega samverustund til að minnast þeirra sem tekið hafa eigið lif. Boðið verður upp á heitt kakó, tónlist og góðan félagsskap.