Það er eins gott að nota tækifærið þegar snjórinn kemur loksins í Grindavík og gera eitthvað skemmtilegt því daginn eftir er hann kannski bara farinn. Halldóra núvitundarkennari er alveg með puttana á púlsinum þegar kemur að því að finna skemmtilegar núvitundaræfingar fyrir börnin. Í fyrradag þegar snjórinn var hreinn og fínn fóru krakkarnir í 2. bekk út og bjuggu til snjókarla af öllum stærðum og gerðum. Hvað er betra til að róa hugann en velta snjóboltum og dunda sér við snjókarlagerðina.