Fyrsta helgi í ađventu í Grindavík

  • Fréttir
  • 30. nóvember 2018
Fyrsta helgi í ađventu í Grindavík

Fyrsta helgi í aðventu er framundan og aðventu- og jólastemning færist yfir bæinn. Um helgina verða nokkrir viðburðir í boði, m.a. Í dag, föstudag, standa fyrirtæki við Hafnargötuna fyrir hinum árlega Fjöruga föstudegi. Á morgun, laugardag, verða ljósin tendruð á jólatré Grindavíkurbæjar og á sunnudaginn verður kveikt á krossljósum auk þess sem tendrað verður á ljósunum á jólatrénu í kirkjugarðinum. 

Föstudagurinn 30. nóvember: Fjörugur föstudagur á Hafnargötunni
Fyrirtæki við Hafnargötuna standa fyrir hinum árlega Fjöruga föstudegi með fjölda góðra tilboða, opnum húsum, tónlist, kynningum o.s.frv. Sjá nánar hér.

Laugardagur 1. desember kl. 17:00: Ljósin tendruð á jólatré Grindavíkurbæjar
Kveikt verður á jólatré Grindavíkurbæjar á torginu fyrir framan Íþróttamiðstöðina laugardaginn 1. desember kl. 17. Að venju verður gestkvæmt við þá athöfn. Nemendur úr Tónlistarskóla Grindavíkur leika jólalög og Langleggur og Skjóða kíkja í heimsókn ásamt jólasveinum. Unglingadeildin Hafbjörg mun bjóða gestum upp á heitt súkkulaði og piparkökur.

Sunnudagurinn 2. desember kl. 18:00: Krossljóastund í kirkjugarðinum
Kveikt verður á krossljósunum og tendrað ljós á jólatrénu í kirkjugarðinum sunnudaginn 2. desember kl. 18. Sr. Elínborg Gísladóttir leiðir stundina ásamt Kór Grindavíkurkirkju.

Hér má nálgast upplýsingar um fleiri viðburði í desember. 


Deildu ţessari frétt