47. fundur skipulagsnefndar haldinn í bæjarstjórnarsal, mánudaginn 19. nóvember 2018 og hófst hann kl. 17:00.

Fundinn sátu:
Guðmundur L. Pálsson, formaður, Ólafur Már Guðmundsson, aðalmaður, Anton Kristinn Guðmundsson, aðalmaður, Lilja Ósk Sigmarsdóttir, aðalmaður og Gunnar Már Gunnarsson, aðalmaður. 

Fundargerð ritaði:  Sigurður Ólafsson, Sviðsstjóri skipulags- og umhverfissviðs.

Dagskrá:

1.     Eyjabakki Deiliskipulag - 1711084
    Lögð fram tillaga að skipulags-og matslýsingu fyrir deiliskipulag Eyjabakka II skv. 1.mgr. 40. gr. skipulagslaga nr. 123/2010. Um er að ræða lýsingu fyrir skipulagsgerð á þeim hluta iðnaðar- og hafnarsvæðis sem ekki er deiliskipulagt sunnan og austan við Hópið. 

Skipulagsnefnd óskar eftir áliti hafnarstjórnar á skipulags- og matslýsingunni. 
        
2.     Víkurhóp 16 - 22 - Fyrirspurn um breytingu á byggingarreit - 1811055
    Skipulagsnefnd heimilar stækkun á byggingarreit eingöngu til austurs, allt að 4 metrum. Þessi breyting er innan lóðarmarka. 

Breyting á deiliskipulagi verður á kostnað lóðarhafa. Leggja þarf breytingu á deiliskipulagi fyrir skipulagsnefnd. 
        
3.     Gjaldskrá byggingarleyfis og þjónustugjalda byggingarfulltrúa - 1811057
    Sviðsstjóra er falið að uppfæra gjaldskrá fyrir byggingarleyfis- og þjónustugjöld Grindavíkurbæjar.
        
4.     Benedikt Ólafsson - Kvikmyndatökur í Bjarnargjá - 1811054
    Skipulagsnefnd Grindavíkurbæjar heimilar áframhaldandi kvikmyndatökur til 1. mars 2019.
        
5.     Umsókn um lóð - 1811056
    Skipulagsnefnd Grindavíkurbæjar hafnar erindinu varðandi umsókn um 16 lóðir við Víðigerði. 

Tillögur umsækjanda samrýmast ekki deiliskipulagi svæðisins. Ekki er farið að úthluta neinum lóðum á umræddu svæði.
        
6.     Skotsvæði: fyrirspurn - 1712018
    Skipulagsnefnd ítrekar afgreiðslu skipulagsnefndarfundar númer 38, þar sem hluti umrædds svæðis er skipulagt sem iðnaðarsvæði og hafnar erindinu. 

Skipulagsnefnd felur sviðsstjóra að vinna málið áfram og finna heppilegt svæði undir skotæfingar.
        

Fleira ekki gert. Fundi slitið kl. 19:00.

• Síðast uppfært: 23. nóvember 2018