Opið Svið í 37. sinn í Grindavík

• Fréttir
• 1. ágúst 2018

Opið Svið verður á Fish House í Grindavík, föstudagskvöldið um verslunarmannahelgina, 3. ágúst. Fjörið hefst kl.22:00 og stendur til kl.01:00. Þetta verður hvorki meira né minna en í 37. sinn sem Opið Svið er haldið í Grindavík. Síðast var frábær stemning og fullt hús en viðburður þessi hefur notið fádæma vinsælda. Frítt er inn eins og alltaf og allir hjartanlega velkomnir. 

Að vanda ætlar hljómsveitin 3/4, þeir Halldór Lárusson trommuleikari, Ólafur Þór Ólafsson gítarleikari og Þorgils Björgvinsson alltmöguleikari að leika allt mögulegt og ómögulegt og er gestum velkomið að taka þátt, syngja, leika, dansa, spjalla eða leysa lífsins vanda.

Sérstök athygli er vakin á því að það verður opið á Fish house alla verslunarmannahelgina.

• Síðast uppfært: 1. ágúst 2018