Heilsuleikskólinn Krókur fćr 2,5 milljónir úr Sprotasjóđi

  • Fréttir
  • 29.06.2018
Heilsuleikskólinn Krókur fćr 2,5 milljónir úr Sprotasjóđi

Á dögunum fékk Heilsuleikskólinn Krókur úthlutað 2,5 milljónum króna úr Sprotasjóði í styrk til að vinna að verkefninu „Komdu út - Samstarf um útivist og vellíðan“. Sprotasjóður er sameiginlegur sjóður fyrir leik-, grunn- og framhaldsskóla, sem styður við þróun og nýjungar í skólastarfi í samræmi við stefnu stjórnvalda og aðalnámskrá.

Markmið verkefnisins er að stuðla að jákvæðu og uppbyggjandi foreldrasamstarfi með velferð og vellíðan að leiðarljósi. Unnið verður að því að kynna útivist og samveru í náttúrunni sem valkost til að minnka streitu og auka vellíðan fjölskyldunnar. Skólinn mun bjóða foreldrum að taka þátt í útinámi með börnum sínum á skólatíma og gefa þeim hugmyndir að útivist og samveru með börnum sínum í frítímum. Einnig verður boðið upp á fræðslu um mikilvægi hreyfingar og útiveru fyrir almenna heilsu og vellíðan. Hugmyndin er að kortleggja staði í nánasta umhverfi bæjarins sem börnunum finnst gaman að heimsækja og búa til hugmyndabanka með ýmsu uppbyggjandi og skemmtilegu til að gera saman.

Harpa Rakel Hallgrímsdóttir, leikskólakennari, verður verkefnastjóri en hún hefur unnið á Króki og einnig tekið þátt í að stýra núvitundarverkefninu „Hér og nú“ síðustu ár, sem allir skólarnir í Grindavík eru aðilar að.

Mikil tilhlökkun er meðal starfsmanna Króks yfir að fara af stað með þetta spennandi verkefni og styrkja um leið samskipti fjölskyldunnar og leikskólans sem er einn mikilvægasti þátturinn í að skapa vellíðan meðal barnanna.

Deildu ţessari frétt

AĐRAR FRÉTTIR

Íţróttafréttir / 12. júlí 2018

Rilany Da Silva til Atletico Madrid

Fréttir / 6. júlí 2018

Matseđill nćstu viku í Víđihlíđ

Íţróttafréttir / 5. júlí 2018

Grindavíkurkonur á taplausri braut

Fréttir / 3. júlí 2018

Víkurhóp - nýjar lóđir

Íţróttafréttir / 3. júlí 2018

Vinningaskrá Nafnalukka meistaraflokks kvenna

Fréttir / 2. júlí 2018

Atvinna - Bćjarstjóri Grindavíkurbćjar

Íţróttafréttir / 2. júlí 2018

Fýluferđ til Vestmannaeyja

Sjóarinn síkáti / 29. júní 2018

Dregiđ í söguratleiknum

Bókasafnsfréttir / 28. júní 2018

Rigning, rigning, rigning