484. fundur bæjarstjórnar Grindavíkur haldinn í bæjarstjórnarsal, miðvikudaginn 16. maí 2018 og hófst hann kl. 17:00.
Fundinn sátu:
Hjálmar Hallgrímsson forseti, Guðmundur L. Pálsson aðalmaður, Kristín María Birgisdóttir 1. varaforseti, Páll Jóhann Pálsson aðalmaður, Marta Sigurðardóttir aðalmaður, Hjörtur Waltersson varamaður, Þórunn Svava Róbertsdóttir varamaður.
Einnig sátu fundinn: Jón Þórisson sviðsstjóri fjármála- og stjórnsýslusviðs og Fannar Jónasson bæjarstjóri.
Fundargerð ritaði: Jón Þórisson, sviðsstjóri fjármála- og stjórnsýslusviðs.
Í upphafi fundar óskar forseti eftir að taka eftirfarandi fjögur mál á dagskrá með afbrigðum:
Beiðni um umsögn: Körfuknattleiksdeild Grindavíkur, tækifærisleyfi - 1805023
Landskerfi bókasafna: Aðalfundur 30. maí 2018 - 1805048
Bæjarráð Grindavíkur - 1480 - 1805005F
Skipulagsnefnd - 41 - 1805007F
Samþykkt samhljóða
Kl. 18:50 óskaði forseti eftir því að bæta þremur málum við dagskrá með afbrigðum:
Akur: umsókn um byggingarleyfi - 1805037
Umsókn um lóð: Hólmasund 1 - 1805040
Umsókn um lóð: Hólmasund 1 - 1805046
Samþykkt samhljóða
Dagskrá:
1. 1805039 - Umsókn um byggingarleyfi og lóð: Stamphólsvegur 4
Sviðsstjóri skipulags- og umhverfissviðs sat fundinn undir þessu máli og kynnti hann málið og svaraði fyrirspurnum.
Aðrir sem til máls tóku: Hjálmar og Páll Jóhann
Erindi frá VK list kt. 470218-0530 lagt fram. Í erindinu er óskað eftir nýrri lóð við Stamhólsveg 4. Einnig er óskað eftir byggingarleyfi fyrir húsi í pakkhúsastíl fyrir léttan iðnaðar/liststarfsemi og þjónustu. Húsið er timburhús á staðsteyptum sökkli með steyptri botnplötu.
Erindinu fylgja teikningar unnar af Sveini Valdimarssyni dagsettar 07.05.2018. Erindinu fylgir samþykki nágranna fyrir nýrri lóð.
Skipulagsnefnd leggur til við bæjarstjórn að stofnaðar verði nýjar lóðir við Stamphólsveg 4 og 6 og byggingaráformin verði samþykkt með fyrirvara um grenndarkynningu eigenda Stamphólsvegar 2 ásamt fullnaðarhönnunargögnum og jákvæðum umsögnum heilbrigðiseftirlits, vinnueftirlits og slökkviliðs.
Bæjarstjórn samþykkir samhljóða tillögu skipulagsnefndar.
2. 1805041 - Umsókn um byggingarleyfi: Víkurbraut 60
Sviðsstjóri skipulags- og umhverfissviðs sat fundinn undir þessu máli og kynnti hann málið og svaraði fyrirspurnum.
Aðrir sem til máls tóku: Hjálmar, Marta, bæjarstjóri, Páll Jóhann og Guðmundur
Tillaga er lögð fram um að fresta málinu.
Samþykkt með 5 atkvæðum, fulltrúar B-lista sitja hjá.
3. 1805038 - Borgarhraun 2: breyting á aðalskipulagi
Sviðsstjóri skipulags- og umhverfissviðs sat fundinn undir þessu máli og kynnti hann málið og svaraði fyrirspurnum.
Aðrir sem til máls tóku: Hjálmar, Guðmundur og Páll Jóhann
Erindi frá eigendum Borgarhrauns 2 lagt fram. Í erindinu er óskað eftir breytingu á aðalskipulagi þannig að hægt sé að reka gistiheimili við Borgarhraun 2. Í gildandi aðalskipulagi Grindavíkur 2010-2030 er svæðið skilgreint sem íbúðabyggð.
Í ljósi þess að rekið hefur verið gistiheimili við Borgarhraun 2 í fjölda ára leggur skipulagsnefnd til við bæjarstjórn að unnin verði óveruleg breyting á aðalskipulagi Grindavíkur 2010-2030 þannig að ríkjandi landnotkunarflokkur verði verslun og þjónusta.
Bæjarstjórn samþykkir samhljóða að fela sviðsstjóra skipulags- og umhverfissviðs að vinna drög að breytingu á aðalskipulagi vegna þessa svæðis.
4. 1712050 - Melhóll jarðvegslosun: Útboð
Sviðsstjóri skipulags- og umhverfissviðs sat fundinn undir þessu máli og kynnti hann málið og svaraði fyrirspurnum.
Aðrir sem til máls tóku: Hjálmar og Guðmundur
Óskað er eftir 8.000.000 kr. viðauka við fjárhagsáætlun vegna uppbyggingar við efnislosunarstaðinn við Melhól.
Bæjarráð leggur til við bæjarstjórn að samþykkja viðauka við fjárhagsáætlun 2018 að fjárhæð 8.000.000 kr. sem fjármagnaður verði með lækkun á handbæru fé.
Bæjarstjórn samþykkir samhljóða tillögu bæjarráðs.
5. 1605024 - Umferðaröryggi: ósk um hraðatakmarkandi aðgerðir á Gerðavöllum
Sviðsstjóri skipulags- og umhverfissviðs sat fundinn undir þessu máli og kynnti hann málið og svaraði fyrirspurnum.
Aðrir sem til máls tóku: Hjálmar, Guðmundur og Páll Jóhann
Óskað er eftir viðauka við fjárhagsáætlun Grindavíkur 2018 vegna hraðahindrana við Efstahraun og Gerðavelli, að fjárhæð 1.700.000 kr.
Ekki var farið í framkvæmdir 2016 vegna þess að kynningu fyrir íbúa seinkaði fram á haust og einungis náðist að vinna eina hraðahindrun 2017.
Bæjarráð leggur til við bæjarstjórn að samþykkja viðaukann að fjárhæð 1.700.000 kr. sem fjármagnaður verði með lækkun á handbæru fé.
Bæjarstjórn samþykkir samhljóða tillögu bæjarráðs.
6. 1804079 - Grindavíkurvegur: framkvæmdir 2018/2019
Sviðsstjóri skipulags- og umhverfissviðs sat fundinn undir þessu máli og kynnti hann málið og svaraði fyrirspurnum.
Aðrir sem til máls tóku: Hjálmar, Guðmundur, bæjarstjóri, Kristín María og Páll Jóhann
7. 1805042 - Bluelagoon Challenge : umsókn
Sviðsstjóri skipulags- og umhverfissviðs sat fundinn undir þessu máli og kynnti hann málið og svaraði fyrirspurnum.
Aðrir sem til máls tóku: Hjálmar
Erindi frá Hjólreiðafélagi Reykjavíkur fyrir Bláa Lóns hjólreiðakeppni 2018 lagt fram. Vegna keppninnar þarf lokun Norðurljósavegar við Grindavík að Bláa Lóninu 9. júní 2018 frá kl 21-24. Einnig er óskað eftir aðstoð við lokun vega.
Skipulagsnefnd leggur til við bæjarstjórn að erindið verði samþykkt með fyrirvara um leyfi lögreglu. Hægt er að nálgast lokunarskilti með hæfilegum fyrirvara í þjónustumiðstöð í samráði við forstöðumann þjónustumiðstöðvar.
Bæjarstjórn samþykkir samhljóða tillögu skipulagsnefndar.
8. 1703062 - Húsnæðisáætlanir: Undirbúningur og gerð
Sviðsstjóri skipulags- og umhverfissviðs sat fundinn undir þessu máli og kynnti hann málið og svaraði fyrirspurnum.
Aðrir sem til máls tóku: Hjálmar, Kristín María og Páll Jóhann
Húsnæðisáætlun Grindavíkur lögð fram.
Bæjarstjórn samþykkir Húsnæðisáætlunina samhljóða.
9. 1805045 - Húsnæðissjálfseignarstofnanir: Stofnframlög
Til máls tóku: Hjálmar, Kristín María, Guðmundur, Marta og Páll Jóhann
Reglur Grindavíkurbæjar um stofnframlög lagðar fram, uppfærðar m.v. athugasemdir í bæjaráði.
Bæjarstjórn samþykkir samhljóða reglurnar og samþykkja að reglurnar taki gildi 1. janúar 2018.
10. 1708151 - Starf frístundaheimila: Markmið og viðmið
Til máls tóku: Hjálmar, Þórunn og Marta
Reglur um frístundaheimili lagðar fram. Stefnt að gildistöku frá og með næsta skólaári. Einnig ný gjaldskrá lögð fram þar sem gjaldaflokkum hefur verið fækkað.
Lagt er til að fresta málinu þar sem vantar inn í reglurnar tillögur frá fræðslunefnd.
Bæjarstjórn samþykkir samhljóða að fresta málinu.
11. 1805036 - Grindavíkurhöfn, dýpkun við Miðgarð: Tilboð, verksamningur og framvinda
Til máls tóku: Hjálmar og Páll Jóhann
Tilboð í verkið "Grindavík,dýpkun 2018" lögð fram. Tilboð bárust frá þremur aðilum.
Engin villa fannst í tilboðum og mælir því Vegagerðin með því að tilboði Björgunar ehf verði tekið en það er að fjárhæð 74.209.370 kr. og er 49,1% af kostnaðaráætlun.
Bæjarstjórn samþykkir samhljóða að taka tilboði Björgunar ehf.
12. 1802002 - Knattspyrnufélagið GG: ósk um styrk
Til máls tók: Hjálmar
Hjörtur vék af fundi við umræður og afgreiðslu málsins.
Óskað er eftir 60.000 kr. viðauka við fjárhagsáætlun 2018 vegna hækkunar á samningi við knattspyrnufélagið GG.
Bæjarráð leggur til við bæjarstjórn að samþykkja viðauka við fjárhagsáætlun 2018 að fjárhæð 60.000 kr. sem fjármagnaður verði með lækkun á handbæru fé.
Bæjarstjórn samþykkir samhljóða tillögu bæjarráðs.
13. 1805035 - Kennarafélag Reykjaness: Ályktun
Til máls tóku: Hjálmar, Kristín María og Þórunn
Ályktun frá stjórn Kennarafélags Reykjaness lögð fram.
14. 1803022 - Ársuppgjör 2017: Grindavíkurbær og stofnanir
Fundarhlé tekið kl. 18:40 - 18:55
Til máls tóku: Hjálmar og Guðmundur
Ársreikningur Grindavíkurbæjar og stofnana hans fyrir árið 2017 er tekinn til síðari umræðu. Vísað er til yfirferðar endurskoðenda og sviðsstjóra fjármála- og stjórnsýslusviðs við fyrri umræðu þann 24. apríl síðastliðinn. Engar breytingar hafa orðið á ársreikningnum frá fyrri umræðu.
Endurskoðendur Grindavíkurbæjar hafa áritað ársreikninginn með fyrirvaralausri áritun.
Bæjarstjórn staðfestir ársreikninginn samhljóða með undirritun sinni og felur sviðsstjóra að senda til innanríkisráðuneytisins.
15. 1805024 - Sveitarstjórnarkosningar 2018: Kjörskrá
Til máls tók: Hjálmar
Kjörskrárstofn Þjóðskrár lagður fram.
Tillaga
Bæjarstjórn samþykkir kjörskrá fyrir sveitarstjórnarkosningar í Grindavík sem fram fara 26. maí næstkomandi. Á kjörskrá eru 2.196 kjósendur. Kjörstaður verður í grunnskólanum við Ásabraut.
Jafnframt samþykkir bæjarstjórn að veita bæjarstjóra fullnaðarheimild til að fjalla um athugasemdir, gera nauðsynlegar leiðréttingar og úrskurða um ágreiningsmál sem kunna að koma fram að kjördegi vegna sveitarstjórnarkosninga 26. maí nk. í samræmi við 10. gr. laga um kosningar til sveitarstjórna.
Samþykkt samhljóða
16. 1805048 - Landskerfi bókasafna: Aðalfundur 30. maí 2018
Til máls tók: Hjálmar
Bæjarstjórn samþykkir samhljóða að Andrea Ævarsdóttir verði fulltrúi Grindavíkurbæjar á fundinum.
17. 1805023 - Beiðni um umsögn: Körfuknattleiksdeild Grindavíkur, tækifærisleyfi
Til máls tók: Hjálmar
Sótt er um leyfi til áfengisveitinga í tilefni dansleiks sem halda á í Íþróttahúsinu í Grindavík þann 2. júní nk.
Bæjarstjórn samþykkir samhljóða að leyfið verði veitt.
18. 1805046 - Umsókn um lóð: Hólmasund 1
Til máls tók: Hjálmar
Páll Jóhann vék af fundi við umræður og afgreiðslu málsins.
Erindi frá Collagen ehf. lagt fram. Í erindinu er óskað eftir lóð við Hólmasund 1 fyrir collagenframleiðslu úr fiskroði. Skv. deiliskipulagi fyrir svæðið sem staðfest var í b-deild stjórnartíðinda þann 7. ágúst 2012 og gildandi aðalskipulagi Grindavíkur 2010-2030 er Hólmasund 1 ætlað fyrir hafsækna starfsemi.
Skipulagsnefnd leggur til við bæjarstjórn að erindið verði samþykkt.
Bæjarstjórn samþykkir samhljóða tillögu skipulagsnefndar.
19. 1805040 - Umsókn um lóð: Hólmasund 1
Til máls tók: Hjálmar
Páll Jóhann vék af fundi við umræður og afgreiðslu málsins.
Erindi frá 240 ehf. lagt fram. Í erindinu er óskað eftir lóð við Hólmasund 1 fyrir geymsluhúsnæði. Skv. deiliskipulagi fyrir svæðið sem staðfest var í b-deild stjórnartíðinda þann 7. ágúst 2012 og gildandi aðalskipulagi Grindavíkur 2010-2030 er Hólmasund 1 ætlað fyrir hafsækna starfsemi.
Skipulagsnefnd leggur til við bæjarstjórn að erindinu verði hafnað.
Bæjarstjórn samþykkir samhljóða tillögu skipulagsnefndar.
20. 1805037 - Akur: umsókn um byggingarleyfi
Til máls tók: Hjálmar
Jón Guðmundur Ottósson sækir um byggingarleyfi f/h Fasteignafélagsins Steinar ehf. á breytingum innan og utanhúss að Akri skv. teikningum frá Tækniþjónustu SÁ ehf.
Skipulagsnefnd leggur til við bæjarstjórn að erindið verði samþykkt með fyrirvara um fullnægjandi hönnunargögn. Nefndin bendir á að á lóðinni eru fornminjar.
Bæjarstjórn samþykkir samhljóða tillögu skipulagsnefndar.
Fundarhlé tekið kl. 19:10 - 19:35
21. 1801031 - Fundargerðir: Samband sveitarfélaga á Suðurnesjum 2018
Til máls tóku: Hjálmar, Guðmundur, Páll Jóhann, Kristín María og bæjarstjóri
Fundargerð 731. fundar, dags. 9. maí 2018, er lögð fram til kynningar.
22. 1803070 - Fundargerðir: Samband íslenskra sveitarfélaga 2018
Til máls tóku: Hjálmar, Guðmundur, Páll Jóhann, Kristín María, bæjarstjóri, sviðsstjóri fjármála- og stjórnsýslusviðs og Hjörtur
Fundargerð 859. fundar, dags. 27. apríl 2018, er lögð fram til kynningar.
23. 1802019 - Fundargerðir: Heklan 2018
Til máls tóku: Hjálmar, Guðmundur, Marta, Kristín María, bæjarstjóri og Páll Jóhann
Fundargerð 63. fundar, dags. 9. mars 2018, er lögð fram til kynningar.
24. 1802019 - Fundargerðir: Heklan 2018
Til máls tóku: Hjálmar og bæjarstjóri
Fundargerð 64. fundar, dags. 27. apríl 2018, er lögð fram til kynningar.
25. 1801077 - Fundargerðir: Heilbrigðisnefnd Suðurnesja 2018
Til máls tóku: Hjálmar, Guðmundur, Marta, Kristín María, Hjörtur, Páll Jóhann og Þórunn
Fundargerð 268. fundar, dags. 18. apríl 2018, er lögð fram til kynningar.
26. 1804033 - Fundargerðir: Öldungaráð Grindavík 2018
Til máls tóku: Hjálmar, Páll Jóhann, Hjörtur, Marta, Guðmundur, Kristín María, bæjarstjóri og Þórunn
Fundargerð 3. fundar, dags. 9. maí 2018, er lögð fram til kynningar.
27. 1804016F - Bæjarráð Grindavíkur - 1478
Til máls tóku: Hjálmar, Guðmundur, Páll Jóhann, bæjarstjóri, Marta, Hjörtur og sviðsstjóri fjármála- og stjórnsýslusviðs
Fundargerðin er lögð fram til kynningar.
28. 1805002F - Bæjarráð Grindavíkur - 1479
Til máls tóku: Hjálmar, Marta, Kristin María, Guðmundur, Hjörtur og Páll Jóhann
Fundargerðin er lögð fram til kynningar.
29. 1805003F - Frístunda- og menningarnefnd - 73
Til máls tóku: Hjálmar, Kristín María, Páll Jóhann, Marta, Guðmundur og bæjarstjóri
Fundargerðin er lögð fram til kynningar.
30. 1805001F - Fræðslunefnd - 75
Til máls tóku: Hjálmar, Þórunn, Marta, Guðmundur, Páll Jóhann, Hjörtur og Kristín María
Fundargerðin er lögð fram til kynningar.
31. 1804013F - Félagsmálanefnd - 90
Til máls tók: Hjálmar
Fundargerðin er lögð fram til kynningar.
32. 1805006F - Hafnarstjórn Grindavíkur - 458
Til máls tóku: Hjálmar, Páll Jóhann, Guðmundur, bæjarstjóri, Kristín María og Marta, bæjarstjóri og sviðsstjóri fjármála- og stjórnsýslusviðs
Fundargerðin er lögð fram til kynningar.
33. 1804015F - Afgreiðslunefnd byggingarmála - 26
Til máls tók: Hjálmar
Fundargerðin er lögð fram til kynningar.
34. 1805007F - Skipulagsnefnd - 41
Til máls tóku: Hjálmar, Marta, Hjörtur, Guðmundur, bæjarstjóri og Páll Jóhann
Fundargerðin er lögð fram til kynningar.
35. 1805005F - Bæjarráð Grindavíkur - 1480
Til máls tóku: Hjálmar, Guðmundur, bæjarstjóri og Páll Jóhann
Fundargerðin er lögð fram til kynningar.
Fleira ekki gert. Fundi slitið kl. 21:15.