40. fundur skipulagsnefndar haldinn í bæjarstjórnarsal, mánudaginn 16. apríl 2018 og hófst hann kl. 17:00.
Fundinn sátu:
Þórir Sigfússon aðalmaður, Marta Sigurðardóttir aðalmaður, Erla Ósk Wissler Pétursdóttir aðalmaður, Ólafur Már Guðmundsson aðalmaður og Ármann Halldórsson sviðsstjóri skipulags- og umhverfissviðs.
Fundargerð ritaði: Ármann Halldórsson, sviðsstjóri skipulags- og umhverfissviðs.
Dagskrá:
1. 1802042 - Austurvegur 26b: fyrirspurn um stækkun
Erindi frá 240 ehf. Í erindinu er óskað eftir stækkun á lóð fyrir fjölgun smáhýsa á lóð við Austurveg 26b. Skipulagsnefnd felur sviðstjóra að vinna málið áfram.
2. 1803039 - Stamhólsvegur 4: Fyrirspurn um lóð.
Erindi frá Vigni Kristinssyni. Í erindinu er óskað eftir því að stofnuð verði lóð við Stamphólsveg 4. Á svæðinu er fyrirhugað að reisa mannvirki í pakkhúsastíl fyrir vinnustofu og verslun. Erindinu fylgja tillögur að samnýtingu á innkomu og tillögur að lóðatilhögun. Skipulagsnefnd hugnast hugmynd 2. Nefndin bendir á að grenndarkynna þarf áætlannir fyrir eigendum Stamphólsvegar 2 ásamt því að gera þarf breytingar á þingklýstum lóðablöðum. Sækja þarf formlega um byggingarleyfi.
3. 1803042 - Víkurbraut 20: umsókn um byggingarleyfi
Erindi frá Þórkötlu ehf. kt. 440407-1290 í erindinu er óskað eftir byggingarleyfi fyrir breytingum á Víkurbraut 20. Breytingarnar fela í sér að þak við bílskúr verður hækkaður. Erindinu fylgja teikningar unnar af tækniþjónustu SÁ. Skipulagsnefnd leggur til við bæjarstjórn að byggingaráformin verði samþykkt með fyrirvara um að stækkunin sé innan nýtingarhlutfalls og að grenndarkynnt verði fyrir eigendum Víkurbrautar 18.
4. 1803041 - Austurvegur 24a: umsókn um byggingarleyfi
Erindi frá Þórkötlu ehf. kt. 440407-1290 í erindinu er óskað eftir byggingarleyfi fyrir breytingum á Austurvegi 24a. Breytingarnar fela í að bílskúr er innréttaður og útliti breytt. Erindinu fylgja teikningar unnar af tækniþjónustu SÁ. Skipulagsnefnd leggur til við bæjarstjórn að byggingaráformin verði samþykkt með fyrirvara um að grenndarkynningu eigenda Austurvegar 22 og Mánagötu 29. Skipulagsnefnd bendir á að ekki er heimilt að skrá bílskúr sem séreign.
5. 1802063 - Gamlar vörður innan byggðar: fyrirspurn um áætlanir
Erindi frá sögu- og minjafélagi Grindavíkur. Í erindinu er óskað eftir aðgerðum til að sporna við eyðileggingu á vörðum við Norðurhóp 12. Nefndin bendir á að fornar vörður eru í eðli sínu viðkvæmar. Ef átt er við vörðurnar þarf að gera slíkt af þekkingu ef halda á í upprunaleika þeirra. Ekki er til sérstök áætlun um viðhald á vörðum í Grindavík. Nefndin tekur undir bókun umhverfis- og ferðamálanefndar sem leggur til að sett verði upp skilti og að ungmenni frædd um vörður og tilgang þeirra.
6. 1802041 - Harbour view: Fyrirspurn um þyrlupall
Erindi frá 240 ehf. Í erindinu er óskað eftir að fá að setja upp þyrlupall austan af Austurvegi 26b. Erindinu er hafnað.
7. 1804008 - Miðgarður 2 : fyrirspurn um stækkun
Erindi frá NIS Development. í erindinu er óskað eftir byggingarleyfi fyrir breytingum á Miðgarði 2. Breytingar fela í sér stækkun á veitingarstað, ásamt nýjum svölum og breytingum utanhús. Skipulagsnefnd leggur til við bæjarstjórn að byggingaráformin verði samþykkt og minnir á mikilvægi þess að aðgegni frá bílastæði að húsi sé innan lóðar.
8. 1802078 - Samband ísl. sveitarfélaga: Frumvarp til breytinga á mannvirkjalögum
Lagt fram.
9. 1606076 - Hafnargata 6: umsókn um byggingarleyfi
Erindi frá Bergbúum kt. 680406-1620. Erindinu fylgj Í erindinu er óskað eftir breytingum á byggingarleyfi fyrir auknu gistirými, ásamt breytingu á innra skipulagi. Skipulagsnefnd leggur til við bæjarstjórn að byggingaráformin verði samþykkt með fyrirvara um jákvæðar umsagnir Hes, vinnueftirlits og slökkviliðs. Byggingarleyfi er gefið út þegar fullnægjandi gögn berast.
10. 1703015 - Þríþrautarfélag UMFN: Ósk um leyfi fyrir hjólreiðamót innan lögsögu Grindavíkur
Erindi frá þríþrautafélagi UMFN. i Erindinu er óskað eftir leyfi til að halda hjólreiðamót þann 6 maí nk. Skipulagsnefnd samþykkir erindið.
11. 1804030 - Hjólakeppni: umsókn um leyfi
Stjórn hjólreiðadeildar UMFG og hjólreiðafélagsins Bjarts óskar eftir leyfi fyrir Íslandsmóti í götuhjólreiðum um er að ræða tvær aðskildar keppnir sem munu fara fram miðvikudaginn 20. júní og sunnudaginn 24. júní.
Keppnin sem fer fram þann 20. júní er tímatökukeppni og er fyrirhuguð á krísuvíkurvegi (Nr 42). Startað er við Seltún, hjólað að malbiksenda fyrir norðan kleifarvatn og snúið við þar á keilu og endað á sama stað. Óskað er eftir að fá að trufla umferð eða stöðva í stuttan tíma á meðan keppendur eru að snúa.
Keppni hefst kl 19:00 og verður lokið um kl 21:00
Keppnin sem fer fram þann 24. júní er hjólreiðakeppni þar sem allir eru ræstir saman í 3 vegalengdum og veðrur ræst frá Grindavík kl 9:00.
Skipulagsnefnd leggur til við bæjarstjórn að erindið verði samþykkt með fyrirvara um leyfi veggerðar og lögreglu. Skipulagsnefnd leggur áherslu á öryggismál og að merkingar séu í lagi.
Fleira ekki gert. Fundi slitið kl. 18:30.