Hafin er hjá sýslumönnum utankjörfundaratkvæðagreiðsla vegna sveitarstjórnarkosninga sem fram eiga að fara 26. maí nk.
Unnt er að kjósa á eftirtöldum tímum hjá sýslumanninum á Suðurnesjum:
Grindavík:
- Alla virka daga frá 3. apríl til 18. maí frá kl. 08:30 til 13:00.
- Dagana 22. maí til 25. maí frá kl. 08:30 til 18:00.
Keflavík:
- Alla virka daga frá 3. apríl til 30. apríl frá kl. 08:30 til 15:00.
- Alla virka daga frá 2. maí til 25. maí frá kl. 08:30 til 19:00.
- Laugardagana 5., 12., 19., og 26. maí frá kl. 10:00 til 14:00
Lokað verður hátíðadagana 19. apríl, 1. maí, 10. maí og 21. maí á báðum stöðum.
Kjósendur skulu framvísa gildum skilríkjum við kosninguna.
Atkvæðagreiðsla á sjúkrahúsum og hjúkrunar- og dvalarheimilum aldraðra fer fram 22. til 25. maí nk. skv. nánari auglýsingu á viðkomandi stofnun.
Kjósanda, sem ekki getur sótt kjörfund á kjördegi vegna sjúkdóms, fötlunar eða barnsburðar, er heimilt að greiða atkvæði í heimahúsi nema hann eigi kost á að greiða atkvæði á stofnun.
Ósk um að greiða atkvæði í heimahúsi skal vera skrifleg og studd vottorði lögráða manns um hagi kjósandans og hafa borist kjörstjóra eigi síðar en kl 16:00 þriðjudaginn 22. maí nk. Slík atkvæðagreiðsla má ekki fara fram fyrr en þremur vikum fyrir kjördag.