1472. fundur bæjarráðs Grindavíkur haldinn í bæjarstjórnarsal, þriðjudaginn 20. febrúar 2018 og hófst hann kl. 17:00.
Fundinn sátu:
Hjálmar Hallgrímsson varaformaður, Ásrún Helga Kristinsdóttir aðalmaður, Marta Sigurðardóttir áheyrnarfulltrúi og Þórir Sigfússon varamaður. Einnig sátu fundinn Fannar Jónasson bæjarstjóri, og Jón Þórisson sviðsstjóri fjármála- og stjórnsýslusviðs.
Fundargerð ritaði: Jón Þórisson, sviðsstjóri fjármála- og stjórnsýslusviðs..
Dagskrá:
1. 1802038 - Daggæsla barna í heimahúsi: Reglur
Sviðsstjóri félagsþjónustu- og fræðslusviðs og sviðsstjóri skipulags- og umhverfissviðs sátu fundinn undir þessum dagskrárlið.
Drög að reglum um daggæslu í Grindavík lagðar fram. Þær hafa veirð samþykktar í félagsmálanefnd sem vísaði þeim til afgreiðslu bæjarráðs. Í þeim er lagður til aukinn almennur stuðningur við starfsemi dagforeldra.
Bæjarráð samþykkir framlagðar reglur og vísar þeim til staðfestingar í bæjarstjórn.
2. 1802003 - Golfklúbbur Grindavíkur: Íslandsmót 35+ í Grindavík
Ósk frá Golfklúbbi Grindavíkur um stuðning og styrk vegna umsóknar um að halda íslandsmót í golfi 35+ næstu 3-5 árin. Stuðningur samþykktur í frístunda- og menningarnefnd, ósk um styrk vísað til bæjarráðs.
Bæjarráð samþykkir 300.000 kr. styrk á árinu 2018 og að annað fyrirkomulag á mótstíma verður útfært nánar í samráði við sviðsstjóra frístunda- og menningarsviðs og lagt fyrir bæjarráð.
Jafnframt leggur bæjarráð til við bæjarstjórn að samþykkja viðauka að fjárhæð 300.000 kr. sem tekinn verði af handbæru fé.
3. 1802048 - Lögreglusamþykkt fyrir Grindavíkurbæ
Lögð fram drög að lögreglusamþykkt sem gildi fyrir öll sveitarfélögin í umdæmi lögreglunnar á Suðurnesjum.
Bæjarráð vísar lögreglusamþykktinni til bæjarstjórnar.
4. 1802047 - Markaðsstofa Reykjaness: Áfangastaðaáætlun
Markaðsstofa Reykjaness mælist til þess að sveitarfélagið og nefndir þess skoði drög að áfangaáætlun Reykjaness og skili athugasemdum og tillögum fyrir áframhaldandi vinnu við gerð skýrslunnar.
Bæjarráð vísar málinu til umfjöllunar í umhverfis- og ferðamálanefnd.
5. 1801009 - Fundargerðir: Kvikan 2018
Lögð fram fundargerð stjórnar Kvikunnar, greinargerð um aðsókn og áætlun um opnunartíma sumarið 2018. Ennfremur viðhaldsáætlun og skýrsla um ástand hússins.
Bæjarráð samþykkir að Kvikan verði opin næsta sumar frá miðjum maí til miðjan ágúst og að rekstur Kvikunnar árið 2018 fari ekki yfir þau framlög sem eru í fjárhagsáætlun.
6. 1702061 - Lánasjóður sveitarfélaga: Framboð til stjórnar
Lánasjóður sveitarfélaga auglýsir eftir framboðum í stjórn sjóðsins. Bæjarstjóra er falið að koma tilnefningu í stjórn á framfæri við kjörnefnd.
Fleira ekki gert. Fundi slitið kl. 18:30.