Strákarnir lágu gegn Haukum á Ásvöllum
Strákarnir lágu gegn Haukum á Ásvöllum

Grindvíkingar náðu ekki að fylgja eftir góðum sigurleik gegn Þórsurum í síðustu umferð en liðið tapaði á útivelli gegn Haukum á sunnudaginn, 90-78. Haukar eru því áfram á toppi deildarinnar en Grindavík situr í 7. sæti.

Karfan.is fjallaði um leikinn:

Hafnfirðingar halda sig á toppi Dominos deildar karla eftir gríðarlega góðan sigur á Grindavík. Leikurinn var kaflaskiptur en Haukar voru við bístjórasætið meirihluta leiksins en Grindavík gerði sitt besta til að þjarma almennilega að Haukum.

Gangur leiksins:

Grindavík fór betur af stað og stjórnuðu leiknum í upphafi. Góður annar leikhluti kom Haukum yfir er liðin héldu til hálfleiks 42-39.

Haukar voru mun sterkari í byrjun seinni hálfleiks og komust í fína forystu þar. Grindavík má eiga að þeira gáfust aldrei upp í leiknum en liðið komst hægt og rólega aftur inn í leikinn.

Þegar fimm mínútur voru eftir af leiknum minnkaði Grindavík muninn niður í eitt stig. Þá mætti Kári Jónsson til leiks og tók hann yfir. Haukar náðu í góða forystu í lokin en tæknivilla á Sigurð Þorsteinsson fór með leikinn en eftir það var munurinn tíu stig. Lokastaðan 90-78 fyrir Hauka sem halda toppsætinu áfram.

Hetjan:

Kári Jónsson fær þennan titil skuldlaust í kvöld. Stjórnaði liði Hauka eins og herforingi í leiknum. Opnaði fyrir aðra leikmenn, stjónaði sóknarleiknum og var með allskonar tilþrif. Kári hitti ekki vel fyrir utan þriggja stiga línuna í leiknum en endaði samt sem áður með 30 stig í leiknum. Við það bætti hann fimm fráköstum og sex stoðsendingum. Breki Gylfason var einnig mjög drjúgur í leiknum og endaði með 16 stig.

Kjarninn:

Haukar halda sér enn á toppi deildarinnar. Einnig tókst liðinu með 12 stiga sigri að ná sigri í innbyrgðisviðureignum liðanna sem gæti reynst mikilvægt. Haukar voru ansi sannfærandi gegn sterku liði Grindavíkur. Liðið stjórnaði hraðanum og sýndi enga örvæntingu í áhlaupum gestanna. Kári Jónsson var algjörlega magnaður í þessum leik og leiðtogahæfileikar hans eru að skína í gegn þessa dagana sem Haukum vantaði greinilega.

Grindavík átti ágætis dag, gestirnir virtust nokkuð einbeittir framan af leik og nýttu sér styrkleikana vel. Liðið missti hinsvegar algjörlega hausinn í lokin þegar nokkrir dómar féllu ekki með liðinu. Tilfinningin er sú að Grindavík séu á réttri leið, liðið er enn að ná vopnum sínum og stilla saman strengi sína. Staðan er samt sem áður sú að liðið er komið sex stigum á eftir toppsætunum sem gæti reynst dýrt.

Hrósa þarf Haukum fyrir að halda haus í þessum leik þrátt fyrir að stórt verkefni sé framundan í undanúrslitum Maltbikarsins. Grindavík aftur á móti fær 11 daga pásu núna en næsti leikur er gegn nágrönnum þeirra í Keflavík.

Tölfræði leiksins

Myndasafn (Ólafur Þór)

Viðtal við Jóhann Þór eftir leik

 

Nýlegar fréttir

ţri. 16. jan. 2018    Ađalfundur GG laugardaginn 4. febrúar
ţri. 16. jan. 2018    Brennibolti í Hópinu nćstu tvo fimmtudaga
ţri. 16. jan. 2018    Flugukastnámskeiđ í Hópinu á sunnudögum
ţri. 16. jan. 2018    Björn Berg og Hákon Ívar áfram í Grindavík, Milos og Magnús Björgvins á förum
ţri. 16. jan. 2018    Grindavík gerđi jafntefli viđ FH í Fótbolta.net mótinu
ţri. 16. jan. 2018    Íbúafundur um Sjóarann síkáta í dag
mán. 15. jan. 2018    Grindavíkurstúlkur bikarmeistarar í 9. flokki
mán. 15. jan. 2018    Sigmundur Davíđ milliliđalaust á Bryggjunni á morgun
mán. 15. jan. 2018    Jón Axel stigahćstur í sigri Davidson
mán. 15. jan. 2018    Grindavíkurstúlkur bikarmeistarar í 10. flokki
fös. 12. jan. 2018    Opiđ sviđ á Bryggjunni föstudaginn 19. janúar
fös. 12. jan. 2018    Dósasöfnun meistaraflokks kvenna frestast aftur vegna veđurs
fös. 12. jan. 2018    Icelandic courses at MSS - Beginners and advanced
fim. 11. jan. 2018    Mest lesnu fréttir ársins 2017
fim. 11. jan. 2018    Grindavíkurstúlkur í bikarúrslitum um helgina
fim. 11. jan. 2018    Heilsuleikskólinn Krókur auglýsir eftir kennara
fim. 11. jan. 2018    Óskađ er eftir tilnefningum til viđurkenninga ferđaţjónustunnar á Reykjanesi 2018
fim. 11. jan. 2018    Foreldravika í Tónlistarskólanum 15. - 20. janúar
miđ. 10. jan. 2018    Gleđilegt ár
miđ. 10. jan. 2018    Brennó í Hópinu í kvöld
miđ. 10. jan. 2018    Matseđill nćstu viku í Víđihlíđ
miđ. 10. jan. 2018    Tilkynning frá Sjálfstćđisflokknum í Grindavík - prófkjör
miđ. 10. jan. 2018    Handverk og hönnun - kynningarfundur í Kvikunni 18. janúar
miđ. 10. jan. 2018    Auglýst eftir tilnefningum um Bćjarlistamann Grindavíkur 2018
miđ. 10. jan. 2018    Íbúafundur um Sjóarann síkáta 16. janúar
Grindavík.is fótur