Félagsvist og jólaskraut á unglingastigi

• Grunnskólinn
• 19. desember 2017

Nemendur á unglingastigi hittust í dag og spiluðu félagsvist. Góð stemmning var meðal nemenda og ljóst að þessi gamla hefð að spila vist lifir enn góðu lífi.

7.U og 7.S hittust á salnum og tóku í spil og þá spiluðu einnig nemendur í 8.Þ og 10.E í sínum heimastofum.

Fyrir utan það að vera dugleg að taka í spil hafa nemendur nýtt síðustu daga í það að skreyta skólann á skemmtilegan hátt. Meðal annars hafa þeir útbúið póstkassa fyrir sína bekki svo hægt sé að dreifa út jólakortum sem er ein af fjölmörgum hefðum í jólaundirbúningnum.

Hér fyrir neðan má sjá fleiri myndir frá félagsvistinni sem og jólaskreytingum.

• Síðast uppfært: 19. desember 2017