Bæjarstjórn stendur fyrir íbúafundi um fjárhagsáætun Grindavíkurbæjar 2018-2021, sem nú er í vinnslu. Unnið hefur verið að gerð fjárhagsáætlunarinnar undanfarnar vikur og verður hún kynnt á íbúafundinum, en þar gefst bæjarbúum kostur á að koma sínum tillögum, áherslum og sjónarmiðum á framfæri. Fjárhagsáætlun 2018 ásamt þriggja ára rammaáætlun verður tekin til síðari umræðu á fundi bæjarstjórnar 28. nóvember nk.
Íbúafundurinn fer fram í Gjánni í dag, miðvikudaginn 15. nóvember og hefst kl. 17:30.