1463. fundur Bæjarráðs Grindavíkur haldinn í bæjarstjórnarsal, þriðjudaginn 14. nóvember 2017 og hófst hann kl. 17:00.
Fundinn sátu:
Kristín María Birgisdóttir formaður, Hjálmar Hallgrímsson varaformaður, Marta Sigurðardóttir áheyrnarfulltrúi, Páll Jóhann Pálsson varamaður, Jón Þórisson sviðsstjóri fjármála- og stjórnsýslusviðs og Fannar Jónasson bæjarstjóri.
Fundargerð ritaði: Jón Þórisson, sviðsstjóri fjármála- og stjórnsýslusviðs.
Dagskrá:
1. 1711028 - Starfsmenn bæjarskrifstofunnar: Beiðni um fund með bæjarráði
Fulltrúar starfsmanna á bæjarskrifstofum mættu til fundar við bæjarráð.
2. 1703059 - Melhólsnáma: Vinnsluáætlun
Sviðsstjóri skipulags- og umhverfissviðs mætti á fundinn og kynnti málið.
Forvalsgögn lögð fram.
Bæjarráð vísar málinu til skipulagsnefndar.
3. 1711034 - Ósk um undanþágu frá lögreglusamþykkt: Leyfi til hrossateymingar innanbæjar
Sviðsstjóri skipulags- og umhverfissviðs mætti á fundinn og kynnti málið.
Erindi frá Ernu Pálrúnu Árnadóttur lagt fram. Í erindinu er óskað eftir heimild að teyma hross í gegnum bæinn leiðina frá Laut, Seljabót, Eyjasund og Austurveg að hesthúsum þann 16. nóvember milli kl. 11:00-15:00.
Bæjarráð samþykkir erindið en gerir þá kröfu að hreinsað verði upp eftir hrossin.
4. 1709001 - Suðurnesjalína 2: Kynning á verkefninu
Sviðsstjóri skipulags- og umhverfissviðs mætti á fundinn og kynnti málið.
Lögð fram bókun bæjarstjórnar Reykjanesbæjar frá 7. nóvember 2017.
Bæjarráð Grindavíkur tekjur heilshugar undir brýna nauðsyn þess að rafmagnsöryggi á Suðurnesjum verði tryggt með Suðurnesjalínu 2. Það er brýnt hagsmunamál íbúa og atvinnulífs á Reykjanesi að flutningskerfi raforku verði styrkt sem fyrst.
5. 1711024 - Knattspyrnudeild UMFG: beiðni um framlengingu samnings um verktöku við umsjón mannvirkja 2018
Knattspyrnudeild UMFG óskar eftir framlengingu á umsýslusamningi sem rennur út 31.12.2017.
Bæjarráð samþykkir að framlengja samninginn til 31.12.2018 á sömu forsendum og gildandi samningur.
6. 1711033 - Félag eldri borgara í Grindavík: Aðstaða vegna félagsstarfa
Beiðni félags eldri borgara í Grindavík, um félagsaðstöðu í Kvikunni, er lögð fram.
Bæjarráð tekur jákvætt í erindið og vísar því til stjórnar Kvikunnar.
7. 1710107 - Tjaldsvæði: Gjaldskrá 2018
Umhverfis- og ferðamálanefnd leggur til að samningur um Útilegukortið verði ekki endurnýjaður fyrir árið 2018.
Bæjarráð samþykkir að endurnýja ekki samning við Útilegukortið.
8. 1711026 - Upplýsingamiðstöð fyrir ferðamenn: áskorun frá Grindavík Experience
Áskorun frá Grindavík Experience, um að hafa upplýsingamiðstöð fyrir ferðamenn opna allt árið, er lögð fram.
Bæjarráð tekur undir með Grindavík Experience varðandi mikilvægi þess að ferðamenn geti nálgast upplýsingar og býður fulltrúum Grindavík Experience til næsta fundar stjórnar Kvikunnar.
9. 1711025 - Fjáreigendafélag Grindavík: Ósk um styrk
Fjáreigendafélag Grindavíkur óskar eftir styrk til áburðarkaupa til uppgræðslu í beitarhólfi í landi Krísuvíkur.
Bæjarráð samþykkir að styrkja Fjáreigendafélagið um 100.000 kr. til uppgræðslu í beitarhólfinu.
Fleira ekki gert. Fundi slitið kl. 18:25.