Bangsaspítali á Laut

• Laut
• 27. október 2017

Bangsaspítalinn mætti í leikskólann Laut í vikunni. Lautarbörnin komu með bangsana sína af ýmsum gerðum og stærðum. Sumir voru með smáskeinur aðrir voru stórslasaðir. En allir fengu lækningu og það verður að segjast að börnin biðu stillt og prúð á biðstofunni. Læknarnir þrír læknuðu rétt um 120 bangsa á klukkutíma og ekki nóg með það heldur kostaði þetta ekki krónu. Fyrirmyndar heilbrigðiskerfi í Bangsaspítalanum. Kærar þakkir sendum við okkar frábæra Foreldrafélagi sem stóð fyrir þessari uppákomu.

Fleiri myndir má sjá á Facebook-síðu Lautar

Bangsalæknarnir sem stóðu vaktina

Beðið eftir læknisþjónustu

• Síðast uppfært: 27. október 2017