1460. fundur Bæjarráðs Grindavíkur haldinn í bæjarstjórnarsal, þriðjudaginn 17. október 2017 og hófst hann kl. 17:00.
Fundinn sátu:
Kristín María Birgisdóttir formaður, Hjálmar Hallgrímsson varaformaður, Ásrún Helga Kristinsdóttir aðalmaður, Magnús Andri Hjaltason varam. áheyrnarfulltrúa, Jón Þórisson sviðsstjóri fjármála- og stjórnsýslusviðs og Fannar Jónasson bæjarstjóri.
Fundargerð ritaði: Jón Þórisson, sviðsstjóri fjármála- og stjórnsýslusviðs.
Í upphafi fundar óskaði formaður eftir að taka á dagskrá með afbrigðum eftirfarandi mál sem síðasta lið dagskrár.
1710020 Beiðni um umsögn: Nýtingarleyfi á sjóblönduðu vatni í landi Grindavíkurbæjar.
Samþykkt samhljóða
Dagskrá:
1. 1708147 - Fjárhagsáætlun 2018-2021: Grindavíkurbær og stofnanir
Málinu er frestað til næsta fundar.
2. 1710050 - Kosningar: Alþingiskosningar 2017
Kjörskrárstofn vegna alþingiskosninga 28. október lagður fram.
Með vísan til 33. gr. Samþykktar um stjórn og fundarsköp Grindavíkurbæjar samþykkir bæjarstjórn að fela bæjarstjóra að semja kjörskrá fyrir alþingiskosningar þann 28. október næstkomandi. Jafnframt er bæjarstjóra veitt fullnaðarheimild til að fjalla um athugasemdir, gera nauðsynlegar leiðréttingar og úrskurða um ágreiningsmál sem kunna að koma fram að kjördegi vegna alþingiskosninga 28. október nk. í samræmi við 27. gr. laga um kosningar til Alþingis.
3. 1710057 - Beiðni um stuðning
Óskað er eftir stöðugildi við stuðning í Laut vegna barns með alvarlega frávik í þroska sem tekið var inn í haust og þarf mikla þjálfun.Stöðugildi stuðnings í dag eru fullnýtt í skólanum vegna fjölda barna með frávik.
Bæjarráð samþykkir ráðningu á stuðningsfulltrúa í 100% starf.
Jafnframt leggur bæjarráð til við bæjarstjórn að samþykkja viðauka við fjárhagsáætlun 2017 að fjárhæð 750.000 kr. sem fjármagnaður verði með lækkun á handbæru fé.
4. 1708093 - Bæjarfélagið Uniejów í Póllandi: Gagnkvæmar heimsóknir
Bæjarstjóri Uniejow í Póllandi býður fulltrúum Grindavíkurbæjar í heimsókn í mars 2018.
Bæjarráð þakkar kærlega heimboðið og felur bæjarstjóra að vinna málið áfram.
5. 1710069 - Ábendingar frá bæjarbúum: Mykjudreifing í Bótinni
Lögð fram ábending um mykjudreifingu í Bótinni.
Málinu er vísað til umhverfisnefndar.
6. 1710047 - Málefni foreldra: Heimgreiðslur
Minnisblað um mögulegan kostnað við heimgreiðslur til foreldra lagt fram.
7. 1610065 - Hádegismatur eldri borgara: Beiðni um niðurgreiðslur
Sviðsstjóri félagsþjónustu- og fræðslusviðs mætti á fundinn og gerði grein fyrir stöðu málsins.
Bæjarráð samþykkir tillögu sviðsstjóra um ráðningu matráðs í Miðgarði.
8. 1710020 - Beiðni um umsögn: Nýtingarleyfi á sjóblönduðu vatni í landi Grindavíkurbæjar.
Bæjarráð gerir ekki athugasemdir við umsóknina.
Fleira ekki gert. Fundi slitið kl. 18:10.