Forvarnardagurinn í 9. bekk

• Grunnskólinn
• 5. október 2017

Í dag var forvarnadagurinn haldinn hjá 9. bekk í Grunnskóla Grindavíkur. Dagurinn er helgaður nokkrum heillaráðum sem geta forðað börnum og unglingum frá fíkniefnum.

Björg Erlingsdóttir sviðsstjóri frístunda- og menningarsviðs Grindavíkurbæjar setti daginn og þá kom Sigurður Bergmann lögregluþjónn í heimsókn og ræddi við nemendur. Einnig var horft á ávarp Guðna Th. Jóhannessonar forseta Íslands.

Nemendur unnu verkefni í hópum um íþrótta- og æskulýðsstarf, samveru fjölskyldunnar og að hvert ár skiptir máli í baráttunni gegn fíkniefnum.

Að lokum kynntu nemendur verkefni sín fyrir hvort öðru. Kennarar voru að sjálfsögðu með í umræðum auk þeirra Jóa og Etnu frá Þrumunni.

Hér fyrir neðan má sjá myndir frá því í morgun. Inni á forvarnardagur.is má sjá frekari upplýsingar um daginn.

• Síðast uppfært: 5. október 2017