Nú í haust mun Bubbi Morthens leggja land undir fót með kassagítarinn og koma fram víðsvegar um landið. Þetta hefur Bubbi gert í hart nær 40 ár og lætur sitt ekki liggja eftir þetta árið. Frá september og fram í nóvember mun hann koma fram á tæplega 20 tónleikum og hefst tónleikaröðin í Grindavíkurkirkju þann 15. september. Tónleikarnir hefjast kl. 20:30.
Tónleikaferðin kallast Túngumál sem er einmitt titillinn á nýjustu plötu Bubba sem kom út á afmælisdaginn hans 06.06.17. Platan hefur fengið fádæma góðar undirtektir og vilja gagnrýnendur meina að þetta sé ein af hans allra bestu plötum.
Miðasala á www.midi.is og við innganginn.