Fundur 26

Ungmennaráðsfundur nr. 26.

Fundur haldinn 3. apríl 2017 kl. 17:00 í félagsmiðstöðinni Þrumunni

Mættir:

• Kolbrún Dögg Ólafsdóttir
• Elsa Katrín Eiríksdóttir, formaður
• Nökkvi Már Nökkvason
• Karín Óla Eiríksdóttir
• Ólöf Rún Óladóttir
•Ólafur Þór Unnarsson
•Sigríður Etna Marinósdóttir

1. Sjómannadagshelgin
Ráðið ræddi hvaða viðburði þau sjá fyrir sér á sjómannadagshelginni. Ákveðið var að halda úti útvarpi Þrumunnar þar sem unglingar fæddir 01 og eldri geta tekið þátt. Ráðinu langar að bjóða bæjarbúum sem hafa áhuga á að vera með útvarpsþátt að taka þátt. Skoða möguleika á að hafa þætti um morgnanna sem eldri borgarar sjá um.
Ákveðið var að halda strandblaksmót á laugardeginum 10. júní í ungmennagarðinum. Fyrir 7.-9. bekk frá kl. 14.00-16.00 og 10. bekk og eldri ungmenni frá kl. 14.00-18.00. Ákveðið var að hafa DJ og grilla.
Ráðinu langar að koma til móts við ungmenni á aldrinum 16-18 ára (ungmenni fædd 1999-2001). Þeim finnst lítið vera í boði fyrir þann aldurshóp í Grindavíkurbæ á Sjóaranum síkáta. Ákveðið var að halda sundlaugarpartý á fimmtudeginum 9. júní. Ólöf ætlar að skoða möguleika á að leigja hoppukastala. Stefnt er að því að fá DJ Egil Birgis til að spila. Aðgangseyrir yrði á bilinu 500-1000 kr.

2. Grindavík - heilsueflandi samfélag
Elsa Katrín sagði ungmennaráðinu frá ráðstefnu sem hún fór á í Reykjanesbæ um heilsueflandi samfélag og hvernig ungmennaráð geta unnið að því markmiði að þeirra bæjarfélög séu heilsueflandi fyrir ungt fólk. Ráðið var sammála um að það gæti það með því að vera duglegt að skora á bæjarstjórnina í málum tengdum andlegri og líkamlegri heilsu ungmenna.

3. Önnur mál
Ákveðið var að halda næsta fund í byrjun maí og skipuleggja viðburði fyrir Sjóarann síkáta. Ákveðið var að halda næsta fund á Papa‘s pizza.


Fleira ekki gert. Fundi slitið kl. 17.50.

 

Grindavík.is fótur