Angela Rodriguez þjálfar stelpurnar í vetur - sex leikmenn skrifuðu undir

• Körfubolti
• 25. júlí 2017

Á dögunum tilkynnti Körfuknattleiksdeild UMFG um ráðningu þjálfara meistaraflokks kvenna fyrir komandi vetur en Angela Rodriguez mun bæði þjálfa liðið og leika með því. Angela lék með liðinu eftir áramót á liðnu tímabili en náði aðeins að leika 4 leiki vegna ótrúlegra tafa á veitingu atvinnuleyfis.

Þá skrifuðu 6 leikmenn undir samninga á dögunum þess efnis að spila með liðinu á komandi tímabili en það eru þær Embla Kristínardóttir, Sigrún Elfa Ágústsdóttir, Andra Björk Gunnarsdóttir, Elísabet María Magnúsdóttir, Ólöf Rún Óladóttir og Arna Sif Elíasdóttir. Þær stöllur eru á myndinni hér að ofan, að Örnu undanskilinni, en hún átti ekki heimangengt þegar myndin var tekin.

Angela lék svo fáa leiki með Grindavík á liðnu tímabili að við eigum enga mynd af henni í gula búningnum!

• Síðast uppfært: 25. júlí 2017