Ađsóknartölur á tjaldsvćđinu slá öll met

  • Fréttir
  • 14. júlí 2017
Ađsóknartölur á tjaldsvćđinu slá öll met

Frá því að tjaldsvæði Grindavíkur opnaði á ný eftir gagngerar endurbætur sumarið 2009 hefur gestum þess fjölgað jafnt og þétt á hverju sumri. Ekkert lát virðist vera á þessari fjölgun og núna í júní var enn eitt metið slegið í aðsókn þegar gestafjöldi fór í fyrsta sinn yfir 3.000 í júnímánuði. Árið 2016 (sem líka var metár) voru gestir 2.534 en 2017 eru þeir 3.322. Það er aukning upp á 31,1% milli ára.

Gistinóttum fjölgar einnig umtalsvert í júní. Árið 2016 voru gistinætur í júní 3037, en árið 2017 eru gistinætur 3920, sem er aukning upp á 29,07%.

Grindavík er augljóslega komin á kortið sem vinsæll viðkomustaður ferðamanna á Íslandi og fögnum við því að ferðaþjónustan sé að festa sig í sessi sem blómleg atvinnugrein hér í bæ. Þessi mikli uppgangur er afrakstur þrotlausarar vinnu ferðaþjónustuaðila á svæðinu. Þá hefur mikið og markvisst markaðsstarf verið unnið í samvinnu Grindavíkurbæjar, Grindavík Experience og Markaðsstofu Suðurnesja. Á sama tíma og við fögnum góðri uppskeru höldum við áfram veginn og vinnum áfram að því að gera Grindavík að frábærum valkosti fyrir ferðamenn, bæði innlenda og erlenda.

Deildu ţessari frétt

AĐRAR FRÉTTIR

Sjóarinn síkáti / 8. júní 2018

Tókst ţú myndir á Sjóaranum síkáta?

Fréttir / 7. júní 2018

Matseđill nćstu viku í Víđihlíđ

Íţróttafréttir / 6. júní 2018

Sumarćfingar í körfu - Ćfingatafla

Sjóarinn síkáti / 5. júní 2018

Fjölskylduratleikurinn framlengdur til föstudags

Sjóarinn síkáti / 5. júní 2018

Fimm sjómenn heiđrađir á sjómannadaginn 2018