Vinnuskóli Codland verður haldin í samstarfi við Vinnuskóla Grindavíkur 17.-20. júlí n.k.. Börn sem eru fædd á árunum 2002 og 2003 (8. og 9. bekkur) og hafa unnið í Vinnuskóla Grindavíkur í sumar er gefinn kostur á sækja um. Þátttakendur fá greitt í samræmi við launatöflu Vinnuskólans. Fjöldi þátttakenda er takmarkaður.
Markmið
Codland vinnuskólinn hefur það að markmiði að kynna þátttakendum fyrir þeim fjölbreyttu tækifærum sem felast í sjávarútveginum og þau víðfeðmu áhrif sem hann hefur á okkar samfélag.
Dagskrá
Nemendur fá fræðslu um íslenskan sjávarútveg, fara í vettvangsferðir í fiskvinnslur og skip, fá starfskynningar, kynnast starfsemi frumkvöðla og vinna verkefni í nýsköpun.
Hvað er Codland?
Codland var stofnað árið 2012 og er í eigu Vísis hf. og Þorbjarnar hf. Markmið Codland er að stuðla að framþróun í sjávarútvegi með áherslu á fullnýtingu, þróun og samstarf. Codland hefur að leiðarljósi að hámarka nýtingu sjávarafurða og hvetja til umræðu og samstarfs sem skapar grundvöll til frekari þróunar og auknu verðmæti afurða.
Skráning stendur yfir á codland@codland.is - fyrir 14. júlí n.k.
Sjá frétt um Codland Vinnuskólann frá því í fyrra