Hafţór Júlíus sterkasti mađur á Íslandi enn eitt áriđ

  • Sjóarinn síkáti
  • 23. júní 2017
Hafţór Júlíus sterkasti mađur á Íslandi enn eitt áriđ

Sjöunda árið í röð tryggði kraftajötuninn Hafþór Júlíus Björnsson, einnig þekktur sem Fjallið, sér titilinn "Sterkasti maður á Ísland" á mótinu "The Viking Challenge" á Sjóaranum síkáta. Hafþór tryggði sér titilinn fyrst hér í Grindavík 2010 og hefur einokað hann síðan. Sigur á móti tryggði Hafþóri þátttökurétt í keppninni um sterkasta mann heims í ár. Mótið er hluti af Giants Live mótaröðinni. Verðlaunaféð lét Hafþór renna óskipt til krabbameinsveikra barna og jafnaði upphæðina svo sjálfur úr eigin vasa.

Alls var keppt í 8 greinum í ár og sigraði Hafþór í 6 þeirra. Fannar Smári Vilhjálmsson sigraði trukkadráttinn, og Ryan England í álkubbapressunni. Á mótinu að þessu sinni var keppt í 6 greinum af 8 „head 2 head", þar sem kraftajötnarnir takast á tveir og tveir, sem er nokkur nýbreytni, en oftar en ekki keppa menn einir og við tíma eða þyngdir.

Lokaúrslitin:

1. Hafþór Júlíus Björnsson
2. Òskar Pétur Hafstein
3. Eyþór Ingólfsson Melsted
4. Fannar Smári Vilhjálmsson
5.-6. Sigfús Fossdal
5.-6. Páll Logason
7.-8. Robert Frampton (meiddur)
7.-8. Will Baggott
9. Ryan England
10. André Bachmann
11. Kristján Sindri Níelsson
12. Ari Gunnarsson (meiddur)
13. Gatis Kauzens (meiddur)

Myndina hér að ofan fengum við að láni hjá Kjóunum, en myndirnar hér að neðan eru af Facebook-síðu Grindavíkurbæjar. Ljósmyndari er Heiða Dís Bjarnadóttir

Deildu ţessari frétt