Hrund Skúladóttir í Njarđvík

  • Körfubolti
  • 20. júní 2017
Hrund Skúladóttir í Njarđvík

Hrund Skúladóttir, einn af efnilegri leikmönnum Grindavíkur í körfunni, mun ekki leika með Grindavík næsta vetur, en hún hefur skipt yfir í Njarðvík. Hrund, sem fædd er árið 2000, hefur verið fastamaður í yngri landsliðum Íslands undanfarin ár en náði sér ekki almennilega á strik síðastliðin vetur vegna veikinda, og lék aðeins 15 leiki með Grindavík.

Karfan.is greindi frá:

„Hrund Skúladóttir hefur ákveðið að söðla um og mun koma til með að spila með Njarðvík næstu tvö árin en samningur þess efnis var undirritaður í gær. Hrund er margfaldur landsliðsmaður yngri landsliða og vissulega gríðarlegt efni. Hrund sem er 17 ára er uppalin Grindvíkingur og spilaði aðeins 15 leiki með liði Grindavíkur síðasta tímabil sökum veikinda.

"Hrund leitaði til okkar og vildi spila með Njarðvík. Allir velkomnir í klúbbinn og þarna er á ferðinni mjög efnilegur leikmaður sem hefur mikla hæfileika og alla burði til þess að banka á dyr A-landsliðsins á komandi árum. Þetta er góð viðbót við okkar unga og flotta lið." sagði Páll Kristinsson vara-formaður kkd UMFN í snörpu samtali í dag.

Hrund fetar þar með í fótspor systir sinnar, Petrúnellu sem varð Íslandsmeistari með Njarðvík árið 2012. "Jú auðvitað set ég markmiðið hátt og vil verða íslandsmeistari. En mig langaði að prófa eitthvað nýtt, kynnast nýjum stelpum og öðlast góða reynslu og gera þetta vel. Mér leyst vel á það starf sem er í gangi í Njarðvík og er virkilega spennt fyrir komandi tímabili með nýju liðið." sagði Hrund við tækifærið þegar hún var innt eftir því hvers vegna hún færi í Njarðvík.“

Deildu ţessari frétt

AĐRAR FRÉTTIR

Fréttir frá Tónlistarskólanum / 23. febrúar 2018

Dagur tónlistarskólanna 2018 á morgun, laugardag

Fréttir / 23. febrúar 2018

Atvinna - Fagstjóri í hreyfisal Lautar

Fréttir / 23. febrúar 2018

Kútmagakvöld Lions föstudaginn 9. mars.

Fréttir / 21. febrúar 2018

Sumarstörf hjá Grindavíkurbć sumariđ 2018

Grunnskólinn / 19. febrúar 2018

Öskudagsfjör í Hópsskóla

Grunnskólinn / 19. febrúar 2018

Útgáfuveisla í 2. bekk

Grunnskólinn / 16. febrúar 2018

Dagur stćrđfrćđinnar í Grunnskóla Grindavíkur

Laut / 15. febrúar 2018

112 dagurinn á Laut

UMFG / 15. febrúar 2018

Juanma áfram í Grindavík

Grunnskólinn / 14. febrúar 2018

Líflegur öskudagur í Grunnskóla Grindavíkur

Fréttir / 14. febrúar 2018

Ný vefsíđa Grindavíkurbćjar í loftiđ

Fréttir / 14. febrúar 2018

Matseđill nćstu viku í Víđihlíđ