Sigurbjörn Dagbjartsson Íslandsmeistari í kasínu

  • Sjóarinn síkáti
  • 12.06.2017
Sigurbjörn Dagbjartsson Íslandsmeistari í kasínu

Íslandsmótið í kasínu 2017 fór fram í Grindavík laugardaginn 10. júní, en mótið var einn af stærri viðburðum Sjóarans síkáta í ár. Mótið var spilað á Salthúsinu hjá Láka og mættu keppendur hvaðanæva að af landinu til leiks. Eftir líflegar undanrásir stóðu fjórir keppendur eftir sem spiluðu til úrslita.

Fyrirkomulagið var þannig að leikmaður var úr leik við annað tap og þannig helltust þeir úr lestinni einn af öðrum þar til eftir stóðu fjórir leikmenn sem léku til undanúrslita. Annars vegar voru það Guðbjörg Ásgeirsdóttir (Gugga) og Jón Gauti Dagbjartsson, og hins vegar Einar Hannes Harðarson, formaður Sjómanna- og vélstjórafélags Grindavíkur og Sigurbjörn Dagbjartsson, fjórfaldur heimsmeistari í kasínu.

Gugga, sem menn vildu meina að hefði "höslað" sig í gegnum mótið þar sem hún sagðist ekki kunna spilið nægjanlega vel, kom skemmtilega á óvart og komst í úrslitaleikinn þar sem hún mætti fjórföldum heimsmeistara, Sigurbirni. Í úrslitum þurfti að vinna 2 kasínur og má segja að Gugga hafi þar mætt ofjarli sínum því Sigurbjörn sópaði henni út af borðinu í fyrra spilinu (þegar öllum 14 punktunum er náð í 1. gjöf þá jafngildir það fullnaðarsigri í viðkomandi spili) og landaði svo tiltölulega auðveldum sigri í seinna spilinu.

Láki á Salthúsinu veitti flott verðlaun til Íslandsmeistarans sem hefur montréttinn í ár en ljóst er að þetta skemmtilega mót hefur fest sig í sessi á Sjóaranum síkáta í Grindavík.

Deildu ţessari frétt

AĐRAR FRÉTTIR

Íţróttafréttir / 12. júlí 2018

Rilany Da Silva til Atletico Madrid

Fréttir / 6. júlí 2018

Matseđill nćstu viku í Víđihlíđ

Íţróttafréttir / 5. júlí 2018

Grindavíkurkonur á taplausri braut

Fréttir / 3. júlí 2018

Víkurhóp - nýjar lóđir

Íţróttafréttir / 3. júlí 2018

Vinningaskrá Nafnalukka meistaraflokks kvenna

Fréttir / 2. júlí 2018

Atvinna - Bćjarstjóri Grindavíkurbćjar

Íţróttafréttir / 2. júlí 2018

Fýluferđ til Vestmannaeyja

Sjóarinn síkáti / 29. júní 2018

Dregiđ í söguratleiknum