Hljómsveitin Reggie Óðins verður með tónleika á Fish house - Bar & grill, annað kvöld. Tónleikarnir hefjast kl. 22:00 og er frítt inn. Reggie Óðins er sex manna band sem leikur frumsamið efni. Tónlistarsmekkur meðlima er breiður og er útkoman því vægast sagt skemmtileg. Þau munu spila efni af plötunni sinni Haust ásamt nýjustu plötunni þeirra Life's about the journey. Svo er aldrei að vita nema nokkur glæný lög fljóti með.