Skólaskrifstofa Grindavíkur og Grunnskóli Grindavíkur bjóða foreldrum til kaffihússfundar mánudaginn 29. maí nk. frá kl. 17:00 - 18:30 í Hópsskóla.
Dagskrá:
17:00 Kynning niðurstaðna Skólapúlsins - viðhorfskönnunar foreldra: Skoðaðar breytingar milli ára.
Ingibjörg María Guðmundsdóttir - skólaskrifstofa
17:20 Kynning á stöðu umbótaáætlunarinnar Skóli og samfélag 2015 - 2017: Hverju er lokið og hvað er eftir.
Halldóra K. Magnúsdóttir - skólastjóri
17:35 Kallað verður eftir hugmyndum að umbótum.
18:30 Fundarlok
Tilefni fundarins er að kynna niðurstöður könnunar Skólapúlsins á viðhorfum foreldra til grunnskólans sem lögð var fyrir í febrúar sl. Könnunin sýnir breytingar sem orðið hafa frá síðustu mælingu árið 2015. Einnig verður á fundinum kallað eftir hugmyndum foreldra til að efla samstarfið enn frekar.
Könnunin er hluti af ytra mati sveitarfélagsins á gæðum skólastarfsins og ber sveitarfélaginu að fylgja eftir ytra mati þannig að það leiði til umbóta. Í niðurstöðum koma fram styrk- og veikleikar skólans að mati foreldra. Markmiðið með fundinum er að upplýsa foreldra, hlusta á og eiga samtal við þá um hvaða hugmyndir þeir hafa til að bæta þá þætti sem þeir telja til veikleika skólans og hvernig hægt er að byggja á styrkleikum hans.
Þær hugmyndir sem fram koma á fundinum verða nýttar til frekari umbóta á næstu skólaárum.
Foreldrar eru ein mikilvægasta stoð skólasamfélagsins og eiga að hafa áhrif á skólastarfið. Láttu ekki þitt eftir liggja.